सुनको मूल्य फेरि तोलाको एक लाख नाघ्यो

२ भदौ, काठमाडौं । सुनको भाउ फेरि तोलामै एक लाख नाघेको छ । मंगलबार दुई हजार दुई सय रुपैयाँ बढेर सुनको भाउ तोलामा एक लाख चार सय रुपैयाँ पुगेको हो ।

नेपाल सुनचाँदी व्यवसायी महासंघका अनुसार सोमबार छापावाल सुनको कारोबार प्रतितोला मूल्य ९८ हजार दुई सय रुपैयाँ थियो । अन्तर्राष्ट्रिय मूल्यमा आएको परिवर्तनसँगै सुनको भाउ बढेको महासंघको भनाई छ ।

मंगलबारका लागि तेजाबी सुनको प्रतितोला मूल्य ९९ हजार नौ सय रुपैयाँ तोकिएको छ । यस्तै चाँदीको प्रतितोला भाउ एक हजार तीन सय ८० रुपैयाँ पुगेको छ । चाँदीको भाउ प्रतितोला ६५ रुपैयाँ बढेको हो ।