सिन्धुपाल्चोक लिदीका पहिरो पीडित परिवारलाई एक लाख राहत प्रदान

२ भदौ, सिन्धुपाल्चोक । जुगल गाउँपालिका–२ लिदीमा गएको पहिरोमा परी ज्यान गुमाएका परिवारलाई एक एक लाख रुपैयाँ राहत प्रदान गरिएको छ । जुगल गाउँपालिकाले मृतक परिवारलाई रकम हस्तान्तरण गरेको पालिका अध्यक्ष होमनारायण श्रेष्ठले जानकारी दिए ।

किरियाखर्चबापत प्रतिमृतक रु २५ हजार र बेपत्ताका परिवारलाई राहतस्वरुप प्रतिव्यक्ति रु २५ हजार उपलब्ध गराउने गाउँपालिकाको निर्णयबमोजिम नगद रकम पूर्वसांसद सुभाष कर्माचार्यले हस्तान्तरण गरेका हुन् । रकम हस्तान्तरणमा उनी सहित जुगल गाउँपालिका र इन्द्रेणी परिवार हिँडेर लिदी पुगेका थिए ।

पहिरो प्रभावितलाई प्रतिपरिवार रु एक लाख २५ हजारदेखि दुई लाख ५० हजारसम्म प्रदान गरिएको जुगल गाउँपालिकाका अध्यक्ष श्रेष्ठले बताए ।