वीरगञ्जमा संक्रमित महिलाको मृत्यु

३ भदौ, वीरगञ्ज । पर्साको वीरगञ्जमा कोरोनाले एक महिलाको मृत्यु भएको छ । वीरगञ्ज महानगरपालिका रेशमकोठीकी कोरोना संक्रमित ४० वर्षीया महिलाको उपचारका क्रममा कोरोनाले मृत्यु भएको हो ।

स्वास्थ्यमा समस्या आएर ४ दिनदेखि निजी अस्पतालमा उपचार गराइरहेकी उनलाई भदौ २ गते कोरोना पुष्टि भएको थियो । वीरगञ्ज हेल्थ केयर कोभिड अस्पतालमा उपचारको क्रममा बुधबार दिउँसो सवा ४ बजे मृत्यु भएको हो ।

उनमा मधुमेह र निमोनियाको समस्या थियो । अचानक आइसोलेसनमा रहेकै बेला उनको मृत्यु भएको हो ।