‘मेरो शेयर’को वेवसाइटले ४० हजार भिजिटर पनि थाम्नसकेन

४ भदौ, काठमाडौं । शेयरहरु अभौतिकरण गरी सबै काम सिस्टमबाट नै गर्ने गरी शेयरको अनलाईन कारोबार शुरु भएको धेरै महिना बितिसकेको छ । तर पनि सिस्टम भने अझै काम चलाउ रहेकाे प्रामाणित भएको छ । अनलाईन शेयर कारोबारका लागि निर्विकल्प रहेको मेरो शेयरमा एकै पटक भिजिटर लगिन बढ्दा वेवसाइट नखुल्ने, खुले पनि ड्यास बोर्ड नदेखाउने समस्याहरु देखिएकाे छ । हिजोसम्म अनलाईमा आफ्ना सम्पूर्ण शेयरबारे हेर्ने र जानकारी लिने लगानीकर्ताहरुलाई एक्कासी साइडमा यस्तो समस्या देख्दा अश्चर्यमा परेका थिए । तीनवटा कम्पनीले एकैपटक आईपीओ निष्काशन गरेपछि बढी लोड हुँदा मेरो शेयरमा समस्या देखिएको वा अन्य कुनै कारणले हो त्यो विषयमा भने कुनै सुचना आएको छैन ।

बुधबारदेखि लिबर्टी इनर्जी, बिहीबारदेखि रिलायन्स लायफ इन्स्योरेन्स र समाज लघुवित्तको आईपीओ बिक्रीमा ल्याएका छन् । सीडीएससीका अनुसार प्राय दैनिक १६ हजारसम्म लोड हुने गरेको सो साइडमा बिहीबार ४० हजारभन्दा माथि भिजिटरहरुले एकै पटक लगइन गरिरहेका छन् । साइडमा समस्या देखिएपछि एक लगानी कर्ताले फोन मार्फत सीडीएस एण्ड क्लियरिङ्गको कार्यालयबाट जानकारी लिन खोजेको बताए । लगानीकर्ताले नेपालबसहलाई भने फोन उठ्यो, कार्यालयमा कोही नभएको जानकारी सुरक्षा गार्डले दिए । गार्डले रेडिमेट जानकारी दिँदै भने : आज साइडमा हल्का समस्या छ, तीन वटा कम्पनीको आईपीओ एकै पटक खुलेका कारण यस्तो भएको हो ।

आजबाट लागू हुनेगरी निषेधाज्ञा जारी भएका कारण बैंक तथा वित्तीय संस्थाहरु पनि बन्द छन् । भौतिक रुपमा बेंकमार्फत आवेदन गर्न पाउने अवस्था नभएका कारण पनि लगानीकर्ताहरु अनलाईनमा आकर्षित भएका छन् ।