चितवनमा कोरोना संक्रमित बृद्धको मृत्यु

४ भदौ, चितवन । भरतपुर अस्पतालमा उपचारत एक जना कोरोना संक्रमितको मृत्यु भएको छ । रत्ननगर नगरपालिका वडा नं. १३ का ६५ वर्षका बृद्धको भरतपुर अस्पतालको आईसीयूमा उपचारका क्रममा मृत्यु भएको हो ।

कोरोना संक्रमण पुष्टि भएपछि ६ दिनदेखि उनी आईसीयूमा उपचाररत थिए । क्षयरोग, फोक्सोको समस्याबाट ग्रसित उनको कोरोनाका कारण बिहीबार मृत्यु भएको अस्पतालले जनाएको छ ।

यससँगै चितवनमा कोरोना संक्रमणका कारण ४ जनाको मृत्यु भएको छ । पछिल्लो समय संक्रमितको संख्या बढेपछि चितवनमा सतर्कता अपनाइएको छ ।