तीजमा कोरोना फैलिने भन्दै दैलेखमा निषेधाज्ञा जारी

४ भदौ, सुर्खेत । कोरोना संक्रमितको संख्या बढेपछि दैलेखमा चार दिन निषेधाज्ञा जारी गरिएको छ । तीजमा भीडभाड बढेर कोरोना फैलिने भएपछि प्रशासन कार्यालय दैलेखले अत्यावश्यक बाहेकका सेवा बन्द गर्ने निर्णय गरेको हो ।

बिहीबार दिउँसो दुई बजेदेखि लागू हुने गरी ७ गते राति १२ बजेसम्मका लागि जिल्लाभर निषेधाज्ञा जारी गरिएको प्रशासनकार्यालयले सूचना जारी गरेको छ ।

पछिल्लो समय जिल्लामा कोरोना संक्रमणको दर घट्दो भए पनि तीजको बेलामा मान्छेहरु एकैटाउँमा जम्मा हुने र भिडभाड बढ्ने भएकाले ४ दिनका लागि निषेधाज्ञा जारी गरिएको हो ।

जिल्लाको पूर्वमा जाजरकोट जिल्लाको सिमाना, पश्चिममा कालीकोट र अछाम जिल्लाको सिमाना उत्तरमा कालीकोट जिल्लाको सिमाना र दक्षिणमा सुर्खेत जिल्लाको सिमानाभित्र कुनै पनि गतिविधि नगर्न नगराउन आदेश जारी गरेको छ ।