अब बैंक कर्मचारीलाई प्रहरीले नरोक्ने

४ भदौं, काठमाडौं । अब बैंकका कर्मचारीलाई प्रहरीले नरोक्ने भएको छ । निषेधाज्ञामा बैंकका कर्मचारीहरुलाई बैंकको परिचय पत्रका आधारमा कार्यालय जान आउन दिने भनिएपनि प्रहरीले रोकेर दुःख दिएको थियो ।

प्रहरीले दुःख दिएको भन्दै नेपाल बैंकर्स संघले बैंकका शाखा कार्यालयहरु नै बिहीबार नखोल्न भनेको छ । अब भने प्रहरीले बैंकको परिचयपत्र देखाएपछि नरोक्ने बताएको छ ।

महानगरीय प्रहरी कार्यालय रानीपोखरीका प्रहरी वरिष्ठ उपरीक्षक एसएसपी सुशीलकुमार यादवले कार्यालय हिँडेका कर्मचारीलाई नरोक्न आदेश आएको पुष्टि गरे ।