बाँकेमा थपिए २४ जना संक्रमित

४ भदौ, नेपालगञ्ज । बाँकेमा थप २४ जनामा कोरोना संक्रमण भएको छ । कोहलपुर नगरपालिकाका १७ जना, जानकी गाउँपालिकाका ६ जना र नेपालगञ्ज उपमहानगरपालिकाका एकजना गरी २४ जनामा संक्रमण पुष्टि भएको प्रमुख जिल्ला अधिकारी रामबहादुर कुरुम्बाङले बताए ।

कोरोनाको बढ्दो क्रमलाई ध्यानमा राखेर कोहलपुरमा लकडाउन गरिएको छ। साउन ३२ गतेदेखि जारी लकडाउन भदौ ५ गतेसम्म चल्नेछ। जानकी गाउँपालिकाका ६ जना थपिएका छन्। जानकीमा पनि ३२ गते रातिदेखि भदौ ५ गतेसम्म लकडाउनको निर्णय गरिएको छ। यस्तै बिहीबार ७९ जना डिस्चार्ज भएका छन्।