बीओकेको लिलाम शेयर किन्ने समय थप, भदौ १५ सम्म आवेदन दिन सकिने

४ भदौ, काठमाडौं । बैंक अफ काठमाण्डू लिमिटेडले संस्थापक शेयर लिलामीमा आवेदन दिने म्याद थप गरेको छ । भदौ ८ गतेसम्म आवेदन दिन पाइने भनिएकोमाा समय थपेर अब भदौ १५ गतेसम्म यस आवेदन दिन पाइने भएको छ ।

काठमाडौं उपत्याकामा निषेधाज्ञा जारी गरेसँगै अत्यावश्यक वाहेक अन्य सेवाहरु बन्द गरिएकाले म्याद थप थरिएको बैंकको भनाई छ । यसअघि बैंकले भदौ १ गतेबाट भदौ ८ गतेसम्मको समय तोकेर ३ लाख १६ हजार १५६ कित्ता संस्थापक शेयर लिलामी बिक्री खुला गरेको थियो ।

लिलामी शेयरमा बैंककै संस्थापक शेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन् । न्यूनतम १४० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् । बिक्री प्रबन्धक एनएमबि क्यापिटल नागपोखरी, काठमाडौं रहेको छ ।