रुपन्देहीमा संक्रमित बृद्धको ज्यान गयो

४ भदौ, बुटवल । कोरोना भाइरसबाट संक्रमित रुपन्देहीको देवदहका एक बृद्धको मृत्यु भएको छ । देवदह मेडिकल कलेज भलुहीमा उपचाररत देवदह नगरपालिका ३ स्थित शिशपुरका ७० वर्षीय पुरुषको बिहीबार ज्यान गएको हो ।

देवदह नगरपालिकाका स्वास्थ्य संयोजक काशिनाथ बञ्जाडेका अनुसार बुधबार उनलाई कोरोना संक्रमण पुष्टि भएको थियो । उनमा उच्च रक्तचाप, पक्षघात र मधुमेहको समस्या थियो ।

केही दिन अघि भैरहवाको युनिभर्सल मेडिकल कलेजमा उपचार गराएका उनको देवदह मेडिकल कलेजमा भेन्टिलेटरमा राखेर उपचार भइरहदा मृत्यु भएको अस्पतालले जनाएको छ । उनको मृत्युपछि कलेज शिल गरिएको छ ।