निषेधाज्ञामा ४९ एसपीको सरुवा, केहीलाई एउटाबाट अर्को आर्कषक अड्डाको जिम्मा !
नेपालबहस संवाददाता
भदौ ४, २०७७ शुक्रबार ३:४९:२४
४ भदौ, काठमाडौं । प्रहरी प्रधान कार्यालयले ४९ जना प्रहरी उपरीक्षक “एसपी”को सरुवा गरेको छ । बिहीबार प्रहरी प्रधान कार्यालय नक्सालले एक विज्ञप्ती जारी गर्दै एसपीहरुको सरुवा भएको जानकारी दिएको हो । सरुवा भएका उनीहरुले यो महिनाको तलब खटाएको ठाउँबाटै खानुपर्नेछ । सरुवा भएकाहरूलाई सम्बन्धित क्षेत्रमा गईहाल्न एसपीलाई निर्देशन समेत दिइएको छ ।
कतिपय एसपी सरुवा भएको तीन महिनामै फेरि सरुवा भएका छन् । कम्तीमा एक बर्ष एक क्षेत्रमा काम गर्नुपर्ने मान्यता भएपनि प्रहरी प्रधान कार्यालयले भने कतिपयकाे तीन महिना नपुग्दै एसपीको सरुवा गरेको हाे ।
सरुवा भन्नेवित्तिकै एक ठाउँदेखि अर्को ठाउँ अर्थात सुगमदेखि दुर्गम र दुर्गमकालाई सुगममा पठाउने गरिन्छ । तर यतिबेला कतिपय अड्डा जमाएर बसेका एसपीलाई नजिकै अर्को आर्कषक अड्डामा सरुवा गरेको पाइन्छ ।
पहुँच र पावर भएकै कारणले केही एसपी दुर्गमबाट दुर्गममै सरुवा भएका छन् भने केही एक आर्कषक अड्डादेखि अर्को आर्कषक अड्डा गएजस्तो मात्रै देखिएको छ ।
कुन एसपी कहाँ सरुवा भए ?
महानगरीय दंगा नियन्त्रण प्रहरी गण त्रिपुरेश्वरमा कार्यरत एसपी अनुरागकुमार द्धिवेदी बबरमहल सरुवा भएका छन् । बबरमहलमा रहेको मानव बेचबिखन अनुसन्धान ब्युरोमा उनी सरुवा भएका हुन् । ब्युरोका एसपी गोविन्द थपलियाको सरुवा भने सर्वोच्च अदालतको सुरक्षा समन्वय एकाईमा भएको छ । यसरी हेर्दा उनी बबरमहलदेखि रामशाह पथमा सरुवा भएका छन् । मात्रै ५०० मीटर दुरीमा उनको सरुवा भएको देखिन्छ ।
यस्तै जिल्ला प्रहरी कार्यालय नुवाकोटमा कार्यरत एसपी अबिनारायण काफ्लेलाई अख्तियारमा सरुवा गरिएको छ । सर्वोच्च अदालतको समन्वय तथा सुरक्षा प्रहरी ईकाईमा कार्यरत एसपी कृष्णकुमार महतलाई भने लागु औषध नियन्त्रण ब्युरोमा सरुवा गरिएको छ । सप्तरीमा कार्यरत एसपी कृष्ण प्रसाईलाई प्रदेश प्रहरी कार्यालय जनकपुरमा सरुवा गरिएको छ ।
हेटौडा गणमा कार्यरत एसपी कृष्ष्णबहादुर बल्ली मगरलाई प्रहरी प्रधान कार्यालयको तालिम महाशाखामा पठाइएको छ । राष्ट्रिय सुरक्षा परिषद सिंहदरबारमा कार्यरत केदार खनाललाई बाग्मती प्रदेश सशस्त्र प्रहरी गण नं. ३ रातामाटे मकवानपुर सरुवा गरिएको छ । यस्तै प्रदेश २ को दंगा नियन्त्रण गणमा रहेका एसपी गोविन्दकुमार शाहलाई भने बाग्मती प्रदेश प्रहरी कार्यालय हेटौडा सरुवा गरिएको छ ।
प्रदेश २ प्रहरी कार्यालय जनकपुरका एसपी जयराज सापकोटा प्रदेश २ कै सशस्त्र प्रहरी मुख्यालय गण जनकपुरमा सरुवा भएका छन् । प्रहरी हेडक्वार्टरमा कार्यरत एसपी ज्ञानेन्द्रप्रसाद फुयाल भने २ नम्बर प्रदेशको दंगा नियन्त्रण मुख्यालय जनकपुरमै सरुवा भएका छन् ।
गण्डकी प्रदेश दंगा नियन्त्रण प्रहरी गण तनहुँमा कार्यरत डा.मेखबहादुर खत्री महानगरीय अपराध महाशाखा काठमाडौं सरुवा भएका छन् । महानगरीय प्रहरी परिसर ललितपुरका एसपी तुलबहादुर कार्की जिल्ला प्रहरी कार्यालय नुवाकोटमा सरुवा भएर गएका छन् । यस्तै प्रहरी प्रधान कार्यालय वैदेशिक समन्वय महाशाखा नक्सालका एसपी दयानिधि ज्ञवाली गण्डकी प्रदेश दंगा नियन्त्रण प्रहरी गण तनहुँमा सरुवा भएका छन् ।
प्रदेश १ प्रहरी कार्यालय विराटनगरका एसपी दीपक पोखरेल प्रदेश १ कै प्रदेश सशस्त्र प्रहरी गण मुख्यालय रानी विराटनगर मोरङमा सरुवा भएका छन् । उनी पनि विराटनगरमै अड्डा जमाउन सफल भएका छन् । जिल्ला प्रहरी कार्यालय पूर्वी नवलपरासीमा कार्यरत दीपक रेग्मी प्रहरी प्रधान कार्यालय नक्सालमा रहेको वैदेशिक समन्वय महाशाखा पुगेका छन् । दीपकराज खरेल जिप्रका पाल्पाबाट महानगरीय दंगा नियन्त्रण प्रहरी गण त्रिपुरेश्वर पुगेका छन् । उनकाे तीन महिना पनि नपुग्दै सरूवा भएकाे हाे ।
यस्तै सुदुरपश्चिम प्रदेश सशस्त्र प्रहरी गण कैलालीका एसपी दिल्लीराज पन्त प्रहरी हेडक्वार्टरको राजमार्ग सुरक्षा तथा ट्राफिक निर्देशनालय नक्सालमा सरुवा भएका छन् । बाग्मती प्रदेश दंगा नियन्त्रण प्रहरी गण हेटौडामा कार्यरत एसपी ध्रुवराज राउत हेडक्वार्टरको युएन जगेडामा सरुवा भएका छन् ।
यस्तै जगेडापुलमा कार्यरत एसपी प्रकाश मल्ल जिप्रका पूर्वी नवलपरासी पुगेका छन् । बाग्मती प्रदेश ट्राफिक प्रहरी कार्यालय मग्लिनमा कार्यरत एसपी प्रकाश रानाभाट महानगरीय अपराध महाशाखा टेकु सरुवा भएका छन् । जिप्रका सिन्धुपाल्चोक एसपी प्रज्जवल महर्जन महानगरीय प्रहरी परिसर ललितपुर सरुवा भएका छन् । लागु औषध नियन्त्रण ब्युरोमा कार्यरत प्रवीण धिताल कर्णाली प्रदेश दंगा नियन्त्रण प्रहरी गण बाँकेमा सरुवा भएका छन् ।
अख्तियारमा कार्यरत एसपी प्रवीण पोखरेल जिप्रका रुपन्देही सरुवा भएका छन् । महानगरीय प्रहरी कार्यालय इन्टेलिजेन्स महाशाखा रानीपोखरीमा कार्यरत एसपी प्रवीणलाल श्रेष्ठ जिप्रका गुल्मी सरुवा भएका छन् । मानव बेचबिखन ब्युरोका एसपी प्रभु ढकाल प्रहरी कार्यालय तनहुँ बेलचौतारा पुगेका छन् । महानगरीय ट्राफिक प्रहरी महाशाखाका एसपी बामदेव गौतम सुदुरपश्चिम प्रदेश ट्राफिक प्रहरी कार्यालय अत्तरिया कैलाली पुगेका छन् ।
गण्डकी प्रदेश ट्राफिक प्रहरी कार्यालय बेलचौतारामा कार्यरत एसपी बिनोद घिमिरे जुनियर प्रहरी अधिकृत शिक्षालय भरतपुर चितवनमा सरुवा भएका छन् । जिप्रका स्याङकाका एसपी विमलराज कँडेल प्रहरी हेडक्वार्टर नक्सालको जगेडापुलमा सरुवा भएका छन् ।
प्रदेश २ सशस्त्र प्रहरी गण मुख्यालय जनकपुर धनुषामा कार्यरत एसपी बेलबहादुर पाण्डे महानगरीय प्रहरी कार्यालय विशेष सुरक्षा महाशाखा रानीपोखरी काठमाठौं सरुवा भएका छन् ।
कर्णाली प्रदेश दंगा नियन्त्रण प्रहरी गण बाँकेका एसपी भोलाबहादुर रावल कर्णाली प्रदेश दंगा नियन्त्रण प्रहरी गण खजुरा बाँकेबाट सरुवा भएर महानगरीय प्रहरी कार्यालय इन्टेलिजेन्स महाशाखा रानीपाखेरी पुगेका छन् । प्रदेश ५ सशस्त्र प्रहरी गण मुख्यालय कोहलपुर बाँकेका एसपी माधवप्रसाद श्रेष्ठ कर्णाली प्रदेश प्रहरी कार्यालय सुर्खेत सरुवा भएका छन् । उनी पनि नेपालगञ्जबाट उकालो लागेर कर्णालीको राजधानी सुर्खेत पुगेका छन् ।
गौतम बुद्ध अन्तराष्ट्रिय विमानस्थल सुरक्षा कार्यालय भैरहवा, रुपन्देहीका एसपी राकेश सिंह कर्णाली प्रदेश ट्राफिक प्रहरी कार्यालय छिन्चु सुर्खेत सरुवा भएका छन् । राष्ट्रिय प्रहरी प्रशिक्षण प्रतिष्ठान प्रतिष्ठान महाराजगञ्जका एसपी राजन अधिकारी जिप्रका सिन्धुपाल्चोक सरुवा भएका छन् । कर्णाली प्रदेश प्रहरी कार्यालय सुर्खेतका एसपी राजीब बस्नेत सुदुरपश्चिम प्रदेश सशस्त्र प्रहरी गण मुख्यालय धनगढी कैलाली सरुवा भएका छन् ।
प्रहरी प्रधान कार्यालय तालिम महाशाखा नक्सालका एसपी राजेन्द्र धमाला जिप्रका सप्तरी सरुवा भएका छन् । यस्तै जिप्रका गुल्मीका एसपी राजेन्द्र सिंह खड्का प्रदेश ५ को प्रदेश प्रहरी कार्यालय दाङ सरुवा भएका छन् । प्रहरी प्रधान कार्यालय युएन जगेडा नक्सालका एसपी रामप्रकाश शाह ५ नम्बर प्रदेश सशस्त्र प्रहरी गण मुख्यालय कोहलपुर बाँके सरुवा भएका छन् ।
यस्तै कर्णाली प्रदेश ट्राफिक प्रहरी कार्यालय छिन्चु सुर्खेतका एसपी रामेश्वर यादव महानगरीय ट्राफिक प्रहरी महाशाखा काठमाडौं सरुवा भएका छन् । सुदुरपश्चिम प्रदेश ट्राफिक प्रहरी कार्यालय अत्तरियाका एसपी लोकेन्द्र श्रेष्ठ प्रहरी प्रधान कार्यालय मानव बेचबिखन अनुसन्धान ब्युरो काठमाडौं सरुवा भएका छन् ।
जिप्रका सर्लाहीका एसपी विश्वमणि पोखरेल राष्ट्रिय सुरक्षा परिषदको सचिवालय सिंहदरबार सरुवा भएका छन् । प्रहरी प्धान कार्यालय राजमार्ग सुरक्षा तथा ट्राफिक निर्देशनालय नक्सालका एसपी शान्तिराज कोईराला बागमति प्रदेश ट्राफिक प्रहरी कार्यालय मुग्लिन सरुवा भएका छन् । प्रदेश ५ प्रहरी कार्यालय तुल्सीपुर दाङमा कार्यरत एसपी श्यामकृष्ण गिरी विमानस्थल सुरक्षा कार्यालय भैरहवा रुपन्देही सरुवा भएका छन् ।
महानगरीय अपराध महाशाखा काठमाडौंका एसपी सन्तोष भटट्राई जिप्रका पाल्पा सरुवा भएका छन् । यस्तै रानीपोखरी विशेष सुरक्षा महाशाखाका एसपी सन्तोष सिंह राठौर जिप्रका सर्लाही सरुवा भएका छन् ।
बाग्मती प्रदेश प्रहरी कार्यालय हेटौडाका एसपी सुर्दशन कोइराला प्रहरी प्रधान कार्यालय प्रहरी कल्याण महाशाखा नक्सालमा सरुवा भएका छन् । १ नम्बर प्रदेश प्रहरी कार्यालय हेटौडा मकवानपुरका एसपी सुदीपराज भण्डारी प्रदेश १ कै प्रहरी कार्यालय विराटनगरमा सरुवा भएको छ ।
जिप्रका रुपन्देहीका एसपी हेमकुमार थापा राष्ट्रिय प्रहरी प्रशिक्षण प्रतिष्ठान महाराजगञ्ज सरुवा भएका छन् । महानगरीय अपराध महाशाखाका एसपी होबिन्द्र बोगटी जिल्ला प्रहरी कार्यालय स्याङजामा सरुवा भएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रसाईंका हतियारबारे छानबिन गर्न गृहले बनायो समिति
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
आइतबारबाट विशेष अदालतमा अनलाइनबाटै मुद्दाको सुनुवाइ हुने
चैत १६, २०८० शुक्रबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार