कोरोनाले काठमाडौंमा थप एक बृद्धको ज्यान गयो

५ भदौ, काठमाडौं । कोरोना भाइरसको संक्रमणबाट काठमाडौंमा थप एक बृद्धको ज्यान गएको छ । बलम्बुस्थित एपीएफ अस्पतालमा उपचाररत ७७ वर्षीय पुरुषको शुक्रबार मृत्यु भएको हो ।

ग्रिनसिटी अस्पतालबाट उपचारका लागि बलम्बु लगिएपनि उनको उपचारकै क्रममा मृत्यु भएको हो । साउन ३० गते सप्तरीको राजविराजबाट काठमाडौं आएका उनलाई दीर्घ रोगको समस्या रहेको अनुमान छ ।

वीर अस्पतालमा स्वाब दिएका उनको रिपोर्ट ३२ गते पोजेटिभ आएपछि ग्रिनसिटी भर्ना गरिएको थियो । तर अवस्था जटिल बनेपछि एपीएफ अस्पताल लगिएको थियो ।