बारामा स्रोत नखुलेको १६ लाख बरामद, रकम हुन्डीको हुन सक्ने प्रहरीको अनुमान

६ भदौ, बारा । बारामा प्रहरीले स्रोत नखुलेको १६ लाख नेपाली रकम शनिबार बरामद गरेको छ । जिल्लाको महागढीमाई नगरपालिका–७ बेनौली गाउँको सडकबाट उक्त रकम प्रहरीले नियन्त्रणमा लिएको हो ।

मोटरसाइक चलाउँदै आएका एक जनाले प्रहरीको टोली देखेर झोलासहित १६ लाख रकम फालेर भागेका थिए । रकम फालेर भाग्ने व्यक्तिको खोजी भइरहेको प्रहरी नायब उपरीक्षक गौतम मिश्रले बताए । उक्त रकम हुन्डीको हुन सक्ने प्रहरीको अनुमान छ ।