समताको २६.३२ प्रतिशत लाभांश प्रस्ताव, राष्ट्र बैंकले स्वीकृत गर्न बाँकी

७ भदौ, काठमाडौं । समता लघुवित्त वित्तीय संस्था लिमिटेडले आर्थिक वर्ष २०७६/७७ को मुनाफाबाट २६.३२ प्रतिशत लाभांश वितरण गर्ने घोषणा गरेको छ । लघुवित्तले गत आवसम्मको मुनाफाबाट असार मसान्तसम्म कायम चुक्ता पूँजीको २० प्रतिशत बोनस शेयर र सोको कर प्रयोजन सहित ६।३२ प्रतिशत नगद लाभांश वितरण गर्ने भएको हो । भदौ ५ गते बसेको लघुवित्तको सञ्चालन समितिले सो निर्णय गरेको हो । प्रस्तावित लाभांश नेपाल राष्ट्र बैंकबाट स्वीकृत भई वार्षिक साधारण सभाले पारित गरेपश्चात वितरण गरिनेछ।

असार मसान्तसम्ममा लघुवित्तको चुक्ता पूँजी १९ करोड ११ लाख १६ हजार ८०० रुपैयाँ रहेको छ । २० प्रतिशतका दरले ३ करोड ८२ लाख २३ हजार ३६० रुपैयाँ बोनस शेयर वितरण पश्चात लघुवित्तको चुक्ता पूँजी २२ करोड ९३ लाख ४० हजार १६० रुपैयाँ पुग्नेछ ।