जनताका पसल बन्द: मेयर अधिकारी सरकारी गाडीमा पार्टी कार्यक्रममा मस्त
नेपालबहस संवाददाता
भदौ ७, २०७७ आइतबार १९:५१:७
७ भदौ, स्याङजा । समुदायमा कोरोना भाइरस फैलिएपछि स्याङजामा एक हप्तादेखि निषेधाज्ञा छ । तर कोरोना भाइरसको संक्रमण बढेर निषेधाज्ञा पालना गराउनुपर्ने जिम्मेवारी बोकेका जनप्रतिनिधि भने आफैले चरमरूपमा निषेधाज्ञा उल्लंघन गर्दै हिडिरहेका छन् ।
अत्यावश्यक बाहेकका सेवा बन्द रहेका बेला स्याङ्जाको गल्याङ नगरपालिकाका मेयर भूपराज अधिकारी आफै निषेधाज्ञा उल्लंघन गर्दै पार्टी भेला र कार्यक्रम गर्न तल्लीन भएपछि यसको स्थानीय जनताले व्यापक बिरोध गर्न थालेका छन् । सामाजिक सञ्जालमा मेयर अधिकारीको बिरोधमा चर्को टिप्पणी हुन थालेको छ ।
शनिबार बिदाको दिन मालुङमा रहेको एउटा विद्यालयमा सरकारी गाडी लिएर मेयर अधिकारीले पार्टीको भेला गरेका छन् । भेलामा कार्यकर्तालाई पार्टी प्रवेश गराउने, टीका लगाउने, जमघट गर्ने, कार्यक्रम गरेर कोरोना झन फैलाउन लागेको भन्दै स्थानीय मेयरप्रति आक्रोशित भएका हुन् । गल्याङ नगरपालिकाका नगर प्रमुख भने बिदाको दिनपनि सरकारी गाडी लिएर मान्छे जम्मा गराउदै पार्टी प्रवेशको अभियानमा हिडेका छन् ।
मेयर अधिकारीले आफ्नो सरकारी गाडी बिदाको दिन प्रयोग मात्रै गरेका छैनन्, गाउँलेका दर्जनौ मोटरसाइकल समेत प्रयोग गरेर पार्टीका भेला, कार्यक्रम गर्दै हिडेको आरोप छ । कोरोना महामारीका कारण समुहमा भेला नहुन र पसलहरु समेत बन्द गर्न निर्देशन भएको समयको सदुपयोग गर्न लागि भन्दै पालिकाका सबै वडामा पुगेर पार्टी प्रवेश गराउने नगर प्रमुखको कार्यक्रम रहेको श्रोतले बतायो । श्रोतका अनुसार पार्टी प्रवेश गराउन सरकारी गाडीदेखि सरकारी सम्पत्ति खर्च भएको छ ।
नगरप्रमुखको गाडी सहित करिब ३०/३५ वटा मोटरसाइकल र स्कुटीको लाइन लगाएर बाहिर पार्किङ गरिएको थियो भने भित्र दुई सयको हाराहारीमा मानिसहरु रहेको अनुमान गर्न सकिन्थ्यो । कानुनलाई हातमा लिन खोजेका नगरप्रमुखले सर्वसाधारणको रोजगारको क्षेत्र भने बन्द गराउँदै आफै भेला गर्दै हिड्नुले आम नागरिकमा भने पक्कै सकारात्मक सन्देश जानेछैन् ।
मेयरलाई कसले कारवाही गर्ने ?
मेयरको मनलाग्दीबाट आक्रोशित भएका स्थानीय युवाले सामाजिक सञ्जालमार्फत चर्को विरोध गरेका छन् । स्याङ्जाका युवा खगेन्द्र दर्पणले फेसबुकमा लेखेका छन्, ‘शनिबारको दिन राज्यको सम्पतिको दोहन गर्दै पार्टीका कार्यक्रम क्वारेन्टाइनमा गर्नु निन्दनीय छ ।’
उनले मेयर अधिकारीलाई प्रश्न गर्दै अघि भनेका छन, ‘राज्य, शक्ति र सत्तासँग नजिकिनु र लाभको लागि सम्झौता गरिनु स्वभाविक नै होला । तर स्थानीय सरकारको प्रमुखहरु नै यसरी कानुन उल्लंघन गर्दै हिडेपछि कारवाही कसले गर्ने ? यदि भोलि कोरोना भाइरसको संक्रमणले विकराल स्थितीको सिर्जना भयो भने त्यसको जिम्मेवारी कसले लिने मेयर ज्यु ?’
जिल्ला प्रशासन कार्यालय स्याङजाले भदौ ११ गतेसम्म सार्वजनिक ठाउँमा जमघट, भेला, कार्यक्रम, समारोह नगर्न नगराउन भनेको छ । यसअघि भदौ २ गतेदेखि ४ गतेसम्म जारी गरिएको निषेधाज्ञा थप एक हप्ता बढाएर भदौ ११ गतेसम्म लम्ब्याइएको हाे ।
निषेधाज्ञाका बेला सार्वजनिक समारोह, भेला, छलफल, बैठक गरी उल्लंघन गरेको पाइएमा संक्रामक रोग निवारण ऐन २०२० र स्थानीय प्रशासन ऐन २०२८ अनुसार कारबाही गर्ने व्यहोरा जिल्ला प्रशासन कार्यालयको पत्रमा उल्लेख छ ।
प्रशासनको निषेधाज्ञालाई उल्लंघन गर्ने मेयरलाई थप प्रश्न गर्दै खगेन्द्रले अगाडी लेखेका छन, ‘यस्तो अवस्थामा आफै निषेधाज्ञाको उल्लंघन गर्ने गल्याङ नगरपालिकाका मेयर भुपराज अधिकारी र भेलाका आयोजकलाई कसले कारबाही गर्ने ? यस विषयमा जिल्ला प्रशासन कार्यालयले गम्भिर ढंगले अनुसन्धान गर्न आवश्यक छ ।
मेयरको यो गैरजिम्मेवार कामप्रति विष्णु गैरे फेसबुकमा लेख्छन्, ‘सरकारी सवारी साधनको दुरुपयोग गर्नु गलत हो । यसको भत्र्सना गर्छु ।’
यसै विषयमा ऋषि बस्याल भन्छन् ‘स्कुललाई राजनीतिक भेला बैठकको अखडा बनाउनु गलत हो । यस्तो बेला जुलुस लिएर सरकारी स्कुलमा जाने मेयर लगायत जनप्रतिनिधिलाई कारवाही कसले गर्ने ? यहाँ हनुमानहरुले तिनीहरुको पक्षपोषण गरेर दोहोरी खेल्दैछन् ।’
‘कार्यक्रममा छु’ भन्दै मेयर प्रतिक्रियाविहिन !
यस विषयमा मेयर अधिकारीसँग बुझन् खोज्दा उनले प्रतिक्रिया दिन मानेनन् । नेपालबहस डटकमबाट फोन गरेर कुरा गर्न खोज्दा उनले आफू एउटा कार्यक्रममा छु भन्दै प्रतिक्रिया दिन पन्छिए ।
‘म एउटा कार्यक्रममा छु’ उनले यति भनेपछि फोन राखे । त्यसपछि पटकपटक उनीसँग सम्पर्क गर्दा उनले फोन उठाएनन् । कोरोना महामारी नियन्त्रणमा प्रभावकारी काम गर्न नसकेको भन्दै उनको यसअघिदेखि नै आलोचना हुँदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार
रौतहटको करुनियामा आगलागीबाट ७ घर जलेर नष्ट, लाखौंको क्षति
बैशाख ११, २०८१ मंगलबार
निर्वाचनका कारण आजदेखि पूर्वी सीमानाका बन्द
बैशाख ११, २०८१ मंगलबार
सूर्य नेपाल काठमाडौं ओपनको पहिलो दिन भुवन शीर्षस्थानमा
बैशाख ११, २०८१ मंगलबार
जनकपुरमा होटलको एउटै कोठामा महिला र पुरुष झुन्डिएको अवस्थामा मृत फेला
बैशाख ११, २०८१ मंगलबार
सुदूरपश्चिममा मन्त्रिपरिषद् विस्तार अन्योलमा
बैशाख ११, २०८१ मंगलबार