प्रसुतिका ३ स्वास्थ्यकर्मीलाई कोरोना संक्रमण

७ भदौ, काठमाडौं । थापाथलीको प्रसुती गृहमा कार्यरत तीन चिकित्सकलाई कोरोना संक्रमण पुष्टि भएको छ । संक्रमित हुनेमा नर्स, फार्मेसीमा काम गर्ने व्यक्ति, प्राविधिक छन् । अरु ५ जना गरेर ८ जनालाई संक्रमण पुष्टि भएको अस्पतालले जनाएको छ ।

संक्रमितमध्ये दुई जना अस्पतालको आइसोलेसनमा र बाँकी होम आइसोलेसनमा रहेको अस्पतालकी मेडिकल सुपरिटेण्डेन्ट डा. संगीता मिश्रले जानकारी दिइन् । उनका अनुसार संक्रमण देखिएपछि अस्पतालको सुरक्षामा कडाई गरिएको छ भने आवतजावतमा पनि विशेष निगरानी बढाइएको छ ।