निषेधाज्ञामै २ अर्ब माथिको कारोवार भएको बजारको टेवा, प्रतिरोध कहाँ ?

भाद्र ८, काठमाडाैं । राजधानी तथा देशका विभिन्न ठाउँमा निषेधाज्ञा भएपनि साताको दोश्रो कारोवार दिन सोमबार शेयरबजारमा २१ अङ्कको वृद्धि देखिएको छ । नेप्से परिसूचक १ दशमवल ५१ प्रतिशतले वृद्धि भएको छ ।

आज १८२ कम्पनीको शेयर कारोवार हुँदा २ अर्ब १३ करोडको कारोवार भएको छ ।  नेप्से परिसूचक २१ दशमलव २६ अंकले वृद्धि हुँदै १४३१ दशमलव ६० को विन्दुमा बन्द भएको छ ।

बजार सकारात्मक देखिएकोले बजारमा १४७५ को क्षेत्रमा केही विक्रेताको चाप हुन सक्ने संकेत गरेको छ। हाल बजारको तत्कालिन टेवा १४३० को क्षेत्रमा रहेको देखिन्छ ।

आज बजार १४१३ दशमलव १० को विन्दुमा खुलेकोमा बजारको आजको न्यून विन्दु पनि त्यही रहेको छ। त्यस्तै आजको उच्च विन्दु र अन्तिम विन्दु पनि एउटै रहेको छ । आज बजारमा उच्च खरिदकर्ताको साथले बजारमा सकारात्मक दिशातर्फ उन्मुख भएको हो ।  लगानीकर्ताहरु प्रविधिमा अभ्यस्त हुँदै गएको र निकट भविष्यको लागि यो सकारात्मक संदेश रहेको छ।

आज नेपाल पुनर्बीमा कम्पनीको सर्वाधिक कारोवार भएको छ । नेपाल पुनर्बीमा कम्पनीको २१ करोड ६० लाख बराबरको शेयर खरिदबिक्री भएको छ ।

कर्पोरेट डेभलपमेन्ट बैंक, खानी खोला हाईड्रोपावर, आरएमडीसी लघुवित्त, घलेम्दी हाईड्रोपावर र गणपति लघुवित्त सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा छ्याङदी हाइड्रोपावर, श्री इन्भेस्टमेन्ट फाइनान्स, मल्टिपर्पोज फाइनान्स, प्रोग्रेसिभ फाइनान्स र राधी विधुत कम्पनी  रहेका छन् ।

✍ प्राविधिक बिश्लेषण :

प्रतिरोध २ः १४७५ । प्रतिरोध १ः १४४० । टेवा १ः १४३० । टेवा २ः १४१०

✍ आज बजार खुलेदेखि अन्तिम समयसम्म बजार बढ्दो प्रवृत्तिमा रहेको छ । आजको मैनबत्तीले “बुलिस” मारुबोजु चित्र बनाएको छ। यसले बजारमा क्रेताको चाप रहेको संकेत गर्नका साथै अर्को कारोबार दिन पनि बजार सकारात्मक हुनसक्ने जानकारी दिएको छ ।

✍ आजको परिमाणले पनि बजारमा क्रेताको चाप अत्याधिक रहेको जानकारी दिएको छ। दैनिकी अवधिमा “आरएसआई” ५६ दशमलब ६२ को बिन्दुमा छ । यसको प्रवृत्तिले बजार अझ बढ्न सक्ने जानकारी दिएको छ।

✍ “एडीएक्स” र जोड / बिजोड “डाइरेक्सनल इन्डेक्स”हरुले बजारमा क्रेताको चाप हुन थालेको संकेत गरेको छ । “अन ब्यालेन्स भल्यूम” ले बजारमा क्रेताको चाप हुन थालेको र बजार अझ सकारात्मक हुन सक्ने संकेत गरेको छ ।

✍ नेप्सेले आज १४१५ को प्रतिरोधलाई तोडेको छ र १४३० को प्रतिरोधलाई निश्चित रुपमा तोडन खोजको छ । बजार सकारात्मक देखिएकोले बजारमा १४७५ को क्षेत्रमा केही विक्रेताको चाप हुनसक्ने संकेत गरेको छ। हाल बजारको तत्कालिन टेवा १४३० को क्षेत्रमा रहेको देखिन्छ ।