काठमाडौंको शिक्षण अस्पतालमा संक्रमित महिलाको मृत्यु

८ भदौ, काठमाडौं । कोरोना भाइरसको संक्रमणबाट काठमाडौंको त्रिवि शिक्षण अस्पतालमा महिलाको मृत्यु भएको छ । काठमाडौंको कागेश्वरी नगरपालिका ९ कि ४८ वर्षिया महिलाको उपचारका क्रममा मृत्यु भएको हो ।

स्वास्थ्य तथा जनसंख्या मन्त्रालयका सहप्रवक्ता डा. समीर अधिकारीका अनुसार मुटुसम्बन्धी, पित्तथैली र मिर्गौलाको समस्या देखिएको ती महिला् साउन २८ गते त्रिवि शिक्षण अस्पतालमा भर्ना भएकी थिइन् । अस्पतालमा भर्ना भएकै दिन उनलाई कोरोना संक्रमण पुष्टि भएको थियो । उपचारकै क्रममा उनको मृत्यु भएको हो ।