एनआरएन इन्फ्रास्टक्चरको शेयर नेप्सेमा सुचीकृत, भोलिबाट कारोबार खुल्ने

९ भदौ, काठमाडौं । एनआरएन इन्फ्रास्टक्चर एण्ड डेभलपमेन्ट लिमिटेडको शेयर नेप्सेमा सुचीकरण भएको छ । अंकित तथा चुक्त्ता मुल्य १०० कायम भएको ११ करोड ३२ लाख छ हजार आठ सय २१ कित्ता शेयर सुचीकरण भएको हो । सुचीकरण पश्चात सो शेयरको कारोबार भालिबाट हुने छ । शेयर सूचीकरणसँगै नेप्सले कम्पनीको शेयर कारोबारको लागि एनआरएन (NRN) कारोबार संकेत प्रदान गरेको छ भने पहिलो शेयर कारोबारको लागि कम्पनीको ओपनिङ रेञ्ज प्रतिकित्ता १०२ रुपैयाँ ६ पैसादेखि ३०६ रुपैयाँ १८ पैसा तोकेको छ । यही रेञ्जमा रहेर भाेली बुधबारबाट कम्पनीको शेयर कारोबार दाेस्राे बजारमा खुल्नेछ।