पुर्नबीमा कम्पनीमा भुसाल, समितिको सदस्यमा लम्साल

९ भदौ, काठमाडौं । नेपाल पुर्नबीमा कम्पनी लिमिटेडको संचालक समितिको अध्यक्षमा यमलाल भुसाललाई कामकाज गर्ने गरि ताेकेकाे छ । सरकारले यसअघि सञ्चालक रहेका भुसाललाई अध्यक्षमा चयन गरेको हो ।

कम्पनीले नेपाल स्टक एक्सचेन्जलाई पत्र लेख्दै अर्को निर्णय नभएसम्म भुसाललाई नै कार्यभार दिएको कम्पनी सचिव विष्णुप्रसाद उपाध्यायले जारी गरेको पत्रमा भनिएको छ । त्यस्तै संचालक समितिको सदस्यमा रमेश लम्साललाई मनोनयन गरिएको छ ।

भुसाल अर्थमन्त्रालयका कर्मचारी हुन् । नेपाल पुर्नबीमा कम्पनी सरकारी लगानीमा सञ्चालित पब्लिक कम्पनी हो । नवनियुक्त अध्यक्ष भुसालले सोमबार बीमा समिति पुगेर शपथ लिएका छन् ।

भुषाल यसअघि राष्ट्रिय पुननिर्माण प्राधिकरणमा थिए । भुषालले अर्थमन्त्रालयमा आउनुअघि प्रधानमन्त्री कार्यालयमा रहेर काम गरेका थिए ।