अब एटीएम बुथमा स्यानिटाइजर अनिवार्य

९ भदौं, काठमाडौं । कोरोना महामारीको बढ्दो संक्रमणमा अब बैंक तथा वित्तीय संस्थाहरुले आफ्नो एटीएम बुथहरुमा स्यानिटाइजर राख्नैपर्ने भएको छ । यसअघिदेखि नै स्यानिटाइजर राखिएपनि पछिल्लो सकिएपछि बैंकहरुले नयाँ किन्ने गरेका छैनन् ।

कोरोना संक्रमण फैलन सक्ने भन्दै नेपाल राष्ट्र बैंकले बैंक तथा वित्तीय संस्थाहरुलाई स्यानिटाइजर र टिस्यू पेपर अनिवार्य राख्न निर्देशन दिएको हो । सबै बैंकहरुलाई सुरक्षा सतर्कताका लागि मौखित निर्देशन दिइएको राष्ट्र बैंकका बैंक तथा वित्तीय संस्था नियमन विभागले जनाएको छ ।

एटीएममा धेरै मान्छेको आउँजाउँ भइरहने र यसबाट पनि संक्रमण फैलन सक्ने सम्भावना रहेका कारण सतर्कताका लागि यस्तो निर्देशन जारी गरिएको हो ।