बिराटनगरमा संक्रमित ४४ वर्षीया महिलाको मृत्यु

१० भदाै, विराटनगर । कोरोना संक्रमणबाट विराटनगरमा ४४ वर्षीया एक महिलाको मृत्यु भएको छ।  विराटनगर महानगरपालिका–१५ की ति महिलाको विराट शिक्षण अस्पतालमा उपचारको क्रमममा मंगलबार मृत्यु भएको अस्पताल प्रशासनले जानकारी दिएको छ ।

संक्रमित महिलालाई श्वासप्रश्वासमा समस्या भएपछि उपचारका लागि मंगलबार दिउँसो अस्पतालमा भर्ना गरिएको थियो।
विराटनगर–१५ मिल्स एरिया घर भएकी महिला बिराटनगर–११ मा बस्दै आएकी थिइन् ।

उनको मंगलबार बेलुका कोशी अस्पतालमा जाँच गर्दा कोरोना पोजेटिभ देखिएको थियो ।  संक्रमित महिलामा निमोनिया पनि देखिएको अस्पतालले जनाएको छ ।

महिलाको मृत्युसँगै कोरोनाका कारण हालसम्म बिराटनगरका ११ जनाले ज्यान गुमाइसकेका छन् । मृत्यु हुनेमा दुई महिला र नौ पुरुष छन् ।