न्युरो अस्पतालमा महोत्तरीका संक्रमितको मृत्यु

१० भदौ, विराटनगर । विराटनगरको न्युरो अस्पतालमा एक संक्रमितको मृत्यु भएको छ । न्युरो अस्पतालमा भर्ना भएका महोत्तरीका ६० वर्षीय पुरुषको बुधबार दिउँसो मृत्यु भएको हो । मंगलबार राति उनको मृत्यु भएको हो ।

ती पुरुषलाई ३१ साउनमा अस्पताल भर्ना गरिएको थियो । कोरोनासँग मिल्दोजुल्दो लक्षण देखिएपछि ३ भदौमा स्वाब संकलन गर्दा आइतबार पोजेटिभ रिपोर्ट आएको थियो ।

पोजेटिभ रिपोर्ट आएपछि संक्रमितको उपचारका लागि अस्पतालले छुट्टै आइसोलेसन कक्षमा राखेर उपचार गर्दा उनको मृत्यु भएको हो । मंगलबार राति नै बिराटनगरकी एक महिलाको पनि मृत्यु भएको थियो । बुढीगंगा गाउँपालिका– २ टंकिसिनवारीमा रहेको बिराट मेडिकल कलेजमा बिराटनगर–११ की ४४ वर्षीया कोरोना संक्रमित महिलाको मृत्यु भएको अस्पतालले जनाएको छ ।