बाँकेमा थप ६७ जनालाई संक्रमण पुष्टि

१० भदौ, नेपालगन्ज । बाँकेमा थप ६७ जनालाई कोरोना संक्रमण पुष्टि भएको छ । संक्रमितमध्ये सबैभन्दा धेरै कोहलपुर नगरपालिकाका ५१ जना छन् । यस्तै नेपालगन्जमा १५ र बैजनाथ गाउँपालिकाका १ जनामा कोरोना देखिएको छ ।

कोहलपुर नगरपालिका कौशिल्यानगरस्थित आर्मी क्याम्पका सैनिकहरुमा पनि कोरोना संक्रमण देखिएको बाँकेका प्रमुख जिल्ला अधिकारी रामबहादुर कुरुम्बाङले बताए । यससँगै बाँकेमा कोरोना संक्रमितको संख्या ९ सय ११ पुगेको छ । कोरोनाले अहिलेसम्म ५ जनाको मृत्यु भएको छ ।