कमजोर जीवन बीमा कम्पनीमा दर्ज भयो सानिमा लाइफ इन्स्योरेन्स, जम्मा ८३ करोडको व्यापार
आर्थिक संवाददाता
भदौ ११, २०७७ शुक्रबार ०:२३:१०
११ भदौ, काठमाडौं । सानिमा बैंककै भगिनी संस्थाको रुपमा उदाएको सानिमा लाइफ इन्स्योरेन्स कम्पनी लिमिटेडले गत आर्थिक बर्षमा लक्ष्य अनुरुप खुद बीमा शुल्क आर्जन गर्न नसकी सबैभन्दा कमजोर जीवन बीमा कम्पनीका रुपमा आफुलाई उभ्याएको छ । जीवा लामिछानेसहितका गैह्रआवासीय नेपालीहरुद्धारा सञ्चालित यो जीवन बीमा कम्पनीको अध्यक्षमा भने पूर्व डीआईजी कुमार कोइराला रहेका छन् ।
लामो समयदेखि सीईओ समेत भेट्टाउन नसकी निमित्तका भरमा संचालन हुँदै आएको सानिमा लाइफले आर्थिक वर्ष ०७६/७७ मा सबै भन्दा थोरै व्यापार गरेर सानिमा लाईफ इन्स्योरेन्स गत आर्थिक वर्षमा सबै भन्दा कमजोर जीवन बीमा कम्पनी बनेको छ । सानिमा लाईफ इन्स्योरेन्सले ८३ करोड ८७ लाख कुल बीमा शुल्क आर्जन गरेको छ भने ८२ करोड ९३ लाख खुद बीमा शुल्क आर्जन गरेको छ । यो बीमा शुल्क गत वर्ष जीवन बीमा कम्पनीहरुले आर्जन गरेको बीमा शुल्क मध्येकै कम बीमा शुल्क आर्जन हो ।
सानिमा लाईफ भन्दा धेरै पछि संचालनमा आएका जीवन बीमा कम्पनीले पनि यो वर्ष सानिमा लाईफको भन्दा धेरै व्यापार गर्न सफल भएका छन् । यसरी गत आर्थिक वर्षमा सानिमा लाईफ इन्स्योरेन्सका लागि राम्रो वर्ष नभएको देखिन्छ । तर महाप्रबन्धक शिवराम तिमिल्सिनाले भने खुद बीमा शुल्क आर्जनलाई मात्र नहेरी ओभरअलमा हेर्नुपर्ने दावी गरे । समग्र वित्तीय परिसुचकहरु केलाउनु भयो भने हामी अरु जीवन बीमा कम्पनी भन्दा कम नरहेको तर्फ संकेत गर्दै उनले मुनाफा र अन्य सन्दर्भमा सानिमा लाइफ बलियो रहेको बताए ।
बिक्रीको लेभल भन्दा पनि कम्पनीले कति मुनाफा दियो भन्ने कुराले माने राख्ने दावी गर्दै महाप्रबन्धक तिमिल्सिनाले स्ट्रेन्थ हेर्नुपर्ने बताए । सानिमा लाइफले बीमा सम्बन्धि धेरै योजना र प्रोडक्टहरु जारी गर्ने तयारी गरिरहेको जानकारी दिँदै अरु पारामिटरहरु हेरेर विश्लेषण गर्न अनुरोध गरेका छन् ।
सानिमा लाईफले गत वर्ष राम्रो व्यापार गर्न नसकेको मुख्य कारण भनेको अभिकर्ताको मन जित्न नसक्नु रहेकाे जानकारहरू बताँउछन । कम्पनी नयाँ प्रमुख कार्यकारी अधिकृत नियुक्तिको प्रक्रियामा रहेको तर नयाँ आउने प्रमुख कार्यकारी अधिकृतलाई भने सोचे जस्तो सजिलो बाटो देखिएको छैन । अन्य कम्पनीले आफ्नो पकड धेरै नै जमाएको कारणले गर्दा पनि नयाँ आउने प्रमुख कार्यकारी अधिकृतलाई त्यति सजिलो भने छैन ।
गत आर्थिक वर्ष सानिमा लाईफ इन्स्योरेन्स भन्दा माथि व्यापार गर्ने जीवन बीमा कम्पनीले ८६ करोड कुल बीमा शुल्क आर्जन गरेको छ भने ८५ करोड खुद बीमा शुल्क आर्जन गरेको छ ।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
पोखराको पर्यटन प्रवर्द्धन गर्न वाणिज्य संघको जिल्ला यात्रा
चैत १६, २०८० शुक्रबार
सुनको मूल्यमा नयाँ रेकर्ड, १ लाख ३० हजारमा कारोबार
चैत १६, २०८० शुक्रबार
अग्नी रेखा निर्माण गर्दै उपभोक्ता
चैत १६, २०८० शुक्रबार
सगरमाथा क्षेत्रमा याकमार्फत सामान ढुवानी
चैत १६, २०८० शुक्रबार
नयाँ शैक्षिक सत्रका लागि पाठ्यपुस्तक
चैत १६, २०८० शुक्रबार
मार्फा खोलामा बाढीले यातायात प्रभावित
चैत १६, २०८० शुक्रबार