रोनाल्डोले जिते युईएफए गोल अफ द सिजनको अवार्ड

१२ भदौ, एजेन्सी । क्रिस्टियानो रोनाल्डोले यस बर्षको युईएफए च्याम्पियन्स लिगको गोल अफ द सिजन अवार्ड जितेका छन् । फ्यानको भोटका आधारमा रोनाल्डोलाई अवार्ड बिजेताको घोषणा गरिएको हो । युरोपियन क्लब फुटबलको सर्वोच्च निकाय युईएफएले घोषणा गरेको च्याम्पियन्स लिगको गोल अफ दि सिजनमा लियोनविरुद्ध रोनाल्डोले गरेको गोल उत्कृष्ट ठहरिएको हो ।

अरु पाँच वटा गोललाई पन्छाउदै रोनाल्डो उत्कृष्ट ठहरिएका हुन् । च्याम्पियन्स लिगको अन्तिम १६ अन्तर्गत लियोनविरुद्धको दोस्रो लेगमा रोनाल्डोले गरेको गोल उत्कृष्ट बनेको हो । रोनाल्डोको टिम युभेन्ट्स प्रिक्वाटरफाइनलबाटै आउट भएको थियो । उपाधि भने जर्मन च्याम्पियन बायर्न म्युनिकले जितेको थियो ।