कार्यकाल पुरा नहुँदै आबेले दिए राजीनामा

१२ भदौ, काठमाडौं । शारिरीक अस्वस्थताका कारण सरकारको निर्णय प्रक्रियामा असर नपरोस् भन्दै जापानका प्रधानमन्त्री शिन्जो आबेले पदबाट राजीनामा घोषण गरेका छन् । ६५ वर्षिया आबेले आफ्नो स्वास्थ्यका कारण राजीनामा दिएका हुन् । राजीनामा दिँदै उनले जापानी नागरिकसँग क्षमा मागेका छन् । उनले पदावधि पूरा गर्न नपाएकोमा जापानी जनतासँग क्षमायाचना गरेका हुन् । यसअघि उनको दलले आबेले पदत्याग गर्ने मनस्थितिमा भएको पुष्टि गरेको थियो।

उनी आन्द्राको समस्याबाट लामो समयदेखि पीडित छन् । अहिले उनको अवस्था झन् बिग्रिएको अनुमान गरिएको छ । सन् २०१२ देखि निरन्तर देशको कार्यकारी नेता रहेका आबे जापानी इतिहासमा सबैभन्दा लामो समय काम गर्ने प्रधानमन्त्री हुन् । ‍कार्यकाल पुरा नहुँदै आबेले पदत्यागकाे घाेषणा गरे । उनको पदावधि २०२१ सम्म रहेको थियो ।