सुर्खेतमा झण्डै दुई हप्तादेखिको निषेधाज्ञा हट्यो

१२ भदौ, सुर्खेत । कर्णाली प्रदेशको राजधानी सुर्खेतमा झण्डै दुई हप्तादेखि लागेको निषेधाज्ञा हटेको छ । वीरेन्द्रनगरमा १२ दिनदेखि जारी निषेधाज्ञा सर्तसहित हटाइएको हो ।

जिल्ला प्रशासन कार्यालय सुर्खेतले चाडपर्वमा कोरोना संक्रमणको जोखिम रहने भन्दै विषेधाज्ञा जारी गरेको थियो । तर तीज सकिएको एक हप्तापछि निषेधाज्ञा हटाइएको छ । भदौ १ गतेदेखि वीरेन्द्रनगरमा निषेधाज्ञा लगाइएको थियो ।

जिल्लामा निषेधाज्ञा हटाइए पनि कोरोना संक्रमणको जोखिम कायमै छ । प्रमुख जिल्ला अधिकारी हिरालाल रेग्मीका अनुसार नागरिकलाई मास्क लगाउने, भौतिक दुरी कायम गराउने र भिडभाड नियन्त्रण गर्नेतर्फ प्रशासन केन्द्रित हुनेछ ।