१४ भदौ, दाङ । दाङको राप्ती प्रादेशिक अस्पताल तुलसीपुर शिल गरिएको छ। अस्पतालका दुई जना डाक्टरसहित जिल्लामा शनिबार १९ जनामा कोरोना संक्रमण पुष्टि भएको छ ।

डाक्टर, नर्स, अन्य स्वास्थ्यकर्मी र कार्यालय सहयोगीमा कोरोना संक्रमण देखिएपछि शनिबार बेलुकादेखि अस्पताल सिल गरिएको छ । अपरान्ह बसेको अस्पताल व्यवस्थापन समिति बैठकले अर्को सूचना जारी नभएसम्मका लागि सबै सेवा बन्द गर्ने निर्णय गरेको निमित्त प्रमुख डा. पदमराज अधिकारीले जानकारी दिए ।

अस्पतालको ५० मिटर दूरीसम्म पूर्णरुपमा सिल गर्ने निर्णय भएको समिति अध्यक्ष पदमप्रसाद न्यौपानेले बताए । अस्पतालमा भर्ना भएका बिरामीहरुको भने स्वास्थ्य सुरक्षा अपनाएर उपचारमा निरन्तरता दिने उनले बताए ।