कालिकोट पहिरोमा १ जनाको मृत्यु, ११ बेपत्ता, २ को जिवितै उद्धार !

१४ भदौ, कालिकोट । कालिकोटको तिलागुफा नगरपालिका वडा नं १ नाग्म बजारमा गएको पहिरोमा परेर एक जनाको मृत्यु भएको छ । अरु ११ जना बेपत्ता छन् । पहिरोमा पुरिएर शुभकालिका गाउँपालिका ५ का ५ बर्षीय बालक निराजन शाहीको मृत्यु भएको हो ।

प्रदेश प्रहरी कार्यालय सुर्खेतका अनुसार पहिरोमा पुरिएका दुई जनाको भने जिवितै उद्धार गरिएको छ । तिलागुफा नगरपालिका ३ का बर्षीय अर्जुन हमाल र हिमा गाउँपालिकाकी ३५ वर्षीया पन्ना शाहीको जीवितै उद्धार गरेर अस्पताल पठाइएको हो । पहिरोमा पुरिएका १० घरका ११ जनाको खोजी भइरहेको प्रहरीले जनाएको छ ।