नेपालमा थपिए १२ सय २१ संक्रमित

१४ भदौ, काठमाडौं । नेपालमा थप १२ सय २१ जनामा कोरोना भाइरसको संक्रमण पुष्टि भएको छ । पछिल्लो चौबिस घण्टामा ३४८ महिला र ८७३ पुरुष गरी १२ सय २१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता जागेश्वर गौतमका अनुसार १२ हजार १७ जनाको पीसीआर परीक्षण गर्दा १२ सय २१ जनामा कोरोना पुष्टि भएको हो। योसँगै नेपालमा कुल कोरोना संक्रमितको संख्या ३८ हजार ५६१ पुगेको छ। यस्तै पछिल्लो २४ घण्टामा २६७ जना डिस्चार्ज भएका छन्। यससँगै कोरोना जितेर घर फर्किनेको संख्या २० हजार ७२२ पुगेको छ।

अहिले क्वारेन्टाइनमा ७ हजार ७९७ जना रहेका छन्। नेपाल संक्रिय संक्रमितको संख्या १७ हजार ५१८ रहेको छ। पछिल्लो २४ घण्टामा थप १४ जनाको मृत्यु भएको छ । योसँगै नेपालमा कोरोनाले मृत्यु हुनेको संख्या २२१ पुगेको छ । हिजो मात्रै एकैदिन २० जनाको मृत्यु भएको थियो ।