भक्तपुरका संक्रमित बृद्धको समीट अस्पतालमा मृत्यु

१४ भदौ, भक्तपुर । कोरोना भाइरसको संक्रमणका कारण भक्तपुरमा थप एक बृद्धको मृत्यु भएको छ । समीट अस्पतालमा उपचारका क्रममा मध्यपुर थिमी नगरपालिका–१ लोकन्थलीका ७५ वर्षका पुरुषको मृत्यु भएको जिल्ला जनस्वास्थ्य कार्यालय भक्तपुरले जनाएको छ ।

स्वासप्रश्वाससम्बन्धी समस्याका कारण भदौ ११ गते समिट अस्पतालमा भर्ना गरिएका उनमा शनिबार कोरोना संक्रमण पुष्टि भएको थियो । उनको आइतबार २ बजे उपचारकै क्रममा मृत्यु भएको हो । यसअघि आज बिहान भक्तपुरमै होम आइसोलेसनमा एक जनाको मृत्यु भएको थियो ।