तेह्रौँ राष्ट्रिय पुस्तकालय दिवस भर्चुअल हुने
नेपालबहस संवाददाता
भदौ १४, २०७७ सोमबार १:२९:२३
१४ भदौ, काठमाडौं । कोरोना महामारी र रोकथामका लागि जारी निषेधाज्ञाका कारण यस वर्षको १३ औँ राष्ट्रिय पुस्तकालय दिवस ‘समाज रुपान्तरणका लागि पुस्तकालय’ भन्ने आदर्श वाक्यका साथ भर्चुअलरुपमा मनाइने भएको छ । स्वास्थ्य जोखिमका कारण शिक्षालय र पुस्तकालय गत चैत ५ गतेदेखि बन्द रहे तापनि डिजिटल प्रणाली र स्वाध्ययनको क्रम चलिरहेका बेला शिक्षा, विज्ञान तथा प्रविधि मन्त्रालयले अनलाइन माध्यमबाट यस वर्षको दिवस मनाउन लागेको हो ।
राजा गीर्वाणविक्रम शाहका पालामा विसं १८६९ भदौ १५ गते पुस्तक तहबिल स्थापना भएको दिनका सम्झनामा नेपालमा २०६५ सालदेखि हरेक वर्ष सो दिन राष्ट्रिय पुस्तकालय दिवस मनाइँदै आएको छ । राजा गीर्वाणयुद्धले वसन्तपुर दरबारमा रहेका पुस्तक व्यवस्थापनका लागि सदनपत्र जारी गरी पण्डित केदारनाथ झालाई जिम्मा दिइएको थियो ।
मन्त्रालयका पुस्तकालय शाखाका प्रमुख यादवचन्द्र निरौलाका अनुसार सोमबार शिक्षामन्त्री गिरिराजमणि पोखरेलको उपस्थितिमा भर्चुअलरुपमा पुस्तकालय र पठनपाठनका क्षेत्रका चुनौतीबारे छलफल गरिने छ । दिवसको पूर्वसन्ध्यामा आज पनि त्यस प्रकारका विभिन्न संवाद गरिएका थिए । निरौलाका अनुसार हाल सामुदायिक र सार्वजनिक गरी नेपालमा करीब सात सय पुस्तकालय छन् । संस्थागत ‘कार्यालयगत’ रुपमा पनि अन्य पुस्तकालय सञ्चालित छन् ।
पूर्वमन्त्री एवं पुस्तकालय अभियानकर्मी गणेश शाहले कुनै पनि राष्ट्रको गौरव राष्ट्रिय पुस्तकालय हुने भएकाले भूकम्पपछि क्षतिग्रस्त पुल्चोकस्थित राष्ट्रिय पुस्तकालयलाई उचित स्थान र भवन उपलब्ध गराउन आग्रह गरे । सो पुस्तकालय जमलस्थित त्रिविको तत्कालीन परीक्षा नियन्त्रणको कार्यालय रहेको स्थानमा सार्ने निर्णय हाल कार्यान्वयनमा आउन सकेको छैन । उनले प्रदेश र स्थानीय सरकारले सार्वजनिक पुस्तकालय सेवाका लागि बजेट र कार्यक्रम ल्याउनुपर्ने तथा विद्यालयले यसमा उत्तिकै ध्यान दिनुपर्ने बताए ।
नेपाल प्रज्ञा–प्रतिष्ठानका सदस्यसचिव प्रा जगतप्रसाद उपाध्यायले प्रतिष्ठानको पुस्तकालयलाई क्रमशः डिजिटलाइज्ड गरिएको जानकारी दिए । त्रिविले पुस्तकालय तथा सूचना विज्ञानमा स्नातकोत्तरको अध्यापन गर्दै आएको छ । हाल इ–लाइब्रेरीको अवधारणा पनि आइसकेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबुधबार बैंकिङ प्रणालीबाट ३० अर्ब उठाउँदै राष्ट्र बैंक
माघ २, २०८० मंगलबार
बर्खास्त गर्ने चेतावनी दिएपछि एमालेका मन्त्रीहरूले दिए राजीनामा
चैत २१, २०७९ मंगलबार
प्रहरीबाट नेता कुटिएपछि राजविराज तनावग्रस्त
चैत २१, २०७९ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
टोपबहादुर रायमाझीलाई थुनामै राख्न सर्वोच्चको आदेश
बैशाख १३, २०८१ बिहिबार
निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
मुख्यमन्त्री कार्कीसँग बहुमत नरहेको पत्र प्रदेश प्रमुखलाई पठाइयो
बैशाख १३, २०८१ बिहिबार
जसपाले बोलायो केन्द्रीय कार्यकारिणी समितिको बैठक
बैशाख १३, २०८१ बिहिबार
कर्णालीका मुख्यमन्त्री कँडेलले पाए विश्वासको मत
बैशाख १३, २०८१ बिहिबार
भीम रावलको घुम्तीः न घर फर्किन मिल्ने, न घाट जान
बैशाख १३, २०८१ बिहिबार