कोरोनाले गोरखामा बृद्धाको मृत्यु

१५ भदौ, गोरखा । कोरोनाले गोरखामा एक बृद्धाको मृत्यु भएको छ । आरुघाट गाउँपालिका–४ कि ६५ बर्षीया महिलाको कोरोनाको कारण काठमाडौको वीरेन्द्र सैनिक अस्पताल छाउनीमा उपचारका क्रममा मृत्यु भएको हो ।

गण्डकी प्रदेशको स्वास्थ्य निर्देशनालय पोखराका अनुसार भदौ १३ गते संक्रमण पुष्ट भएपछि उनलाई अस्पतालमा उपचार थालिएको थियो । उनी मृगौला रोगी समेत रहेको अस्पतालले जनाएको छ ।