सप्तरीका तीनवटा स्थानीय तहमा थप सात दिन निषेधाज्ञा

१५ भदौ, जनकपुरधाम ।  जिल्ला सुरक्षा समिति सप्तरीले तीनवटा स्थानीय तहमा थप सात दिन निषेधाज्ञालाई निरन्तरता दिने निर्णय गरेको छ । जिल्लामा बढी संक्रमण देखिएको राजविराज नगरपालिका, हनुमाननगर कंकालिनी नगरपालिका र तिलाठी कोइलाडी गाउँपालिकामा आगामी २२ गतेसम्म निषेधाज्ञालाई निरन्तरता दिने निर्णय भएको जिल्ला प्रशासन कार्यालय सप्तरीले जनाएको छ ।

जिल्लामा जारी निषेधाज्ञा तीन स्थानीय तहबाहेकमा हटेको छ । जिल्लामा नौ नगरपालिका र नौ गाउँपालिका गरी १८ वटा स्थानीय तहहरु छन ।