वीरगञ्जका थप २० जना संक्रमित

१६ भदौ, वीरगञ्ज । पर्साको वीरगञ्जमा थप २० जनालाई कोरोना संक्रमण पुष्टि भएको छ । नारायणी अस्पतालको पीसीआर प्रयोगशालामा गरिएको परीक्षणमा २० जनामा कोरोना देखिएको हो । भदौ १५ गते ४ सय १० वटा स्वाब नमुना परीक्षण गर्दा २० जनामा कोरोना पुष्टि भएको हो ।

जिल्ला प्रशासन कार्यालय पर्साले सार्वजनिक गरेको विवरण अनुसार पीसीआर पोजेटिभ १८ जनामध्ये १८ जना पर्साका र २ जना बाराका छन् । यससँगै पर्सामा कोरोना संक्रमितको संख्या ३ हजार नाघेको छ ।