सैनामैनामा वैकल्पिक विधिबाट सोह्रश्राद्ध गर्न आग्रह
नेपालबहस संवाददाता
भदौ १६, २०७७ मंगलबार २१:२९:१
१६ भदौ, खस्यौली । रुपन्देहीको सैनामैना नगरपालिकाले वैकल्पिक विधिबाट सोह्रश्राद्ध अर्थात् पितृपूजन कर्म गर्न आग्रह गरेको छ । नगरपालिकामा रहेका प्रतिनिधिमूलक पण्डितहरुको आज भएको भेलाले यस वर्ष जजमानका घरघरमा गएर श्रोह्रश्राद्ध नगर्ने निर्णय गरेको छ ।
कोरोना भाइरसको संक्रमण समुदायस्तरमा देखिएपछि नगरपालिकाले सोह्रश्राद्धलाई भर्चुअल, अनलाइन वा अडियोका माध्यमबाट गर्न अनुरोध गरेको छ । स्रोह्रश्राद्धमा घरघरमा पण्डित बोलाएर पितृपक्षलाई तर्पण दिने परम्परागत प्रचलन छ ।
नगरपालिकाका प्रमुख चित्रबहादुर कार्कीको उपस्थितिमा भएको भेलाले नगरपालिकाका जुनसुकै वडा, टोल र गल्लीमा कोरोनाको संक्रमण हुने सम्भावना भएकाले न्यूनीकरणका लागि वैकल्पिक विधिमा जान बाध्य भएको जनाएको छ ।
विभिन्न स्थानका पुरोहितमा समेत कोरोना संक्रमण भेटिएको र सोह्रश्राद्धमा एक पुरोहित एक दिनमै धेरै ठाउँ जाने अवस्था रहेकाले वैकल्पिक विधि अपनाउन आग्रह गरिएको जनाइएको छ । उनले पुरोहित वा घरमा आउने आफन्तजनबाट समेत संक्रमण हुने सम्भावना भएकाले पुरोहितलाई घरमा नबोलाउन र आफन्तजनलाई समेत घरमा नबोलाउन आग्रह गरे ।
प्रत्येक वर्ष आश्विन कृष्ण प्रतिपदादेखि आश्विन शुक्ल प्रतिपदासम्म गरिने सोह्रश्राद्ध अर्थात् पितृपक्ष यस वर्ष भदौ १७ गतेदेखि शुरु हुँदैछ । पितृपक्षको पहिलो दिन प्रतिपदा तिथि श्राद्ध गरिन्छ । आश्विन कृष्ण प्रतिपदादेखि आश्विन शुक्ल प्रतिपदासम्मका सोह्र तिथिमा दिवङ्गत पितृलाई सम्मानका साथ तर्पण, सिदादान र पिण्डदान गरिने भएकाले सोह्रश्राद्ध भनिएको हो ।
सक्नेले यस पक्षका सोह्रै तिथिमा श्राद्ध गर्नुपर्छ । नसक्नेले पञ्चमीदेखि औँशीसम्म र यति पनि नसक्नेले पिताका तिथिमा श्राद्ध गर्नुपर्ने शास्त्रीय वचन छ । पं विष्णु ज्ञवालीले वैदिक सनातन धर्मअनुसार राष्ट्रलाई र विश्व मानवलाई सङ्कट परेका बेला पर्व, उत्सव वा सोह्रश्राद्ध जस्ता कर्म वैकल्पिक विधिबाट गर्न सबै पुरोहित सहमत भएको बताए । उनले शास्त्रीय मतलाई आधार मानेर पनि अहिलेको अवस्थामा सोह्रश्राद्ध गर्न वैकल्पिक उपाय अवलम्बन गर्ने विषय सान्दर्भिक भएको स्पष्ट गरे।
यसअघि रुपन्देहीको तिलोत्तमा नगरपालिकाले वैकल्पिक विधिबाट सोह्रश्राद्ध गर्न आग्रह गरेको थियो । नगरपालिकामा केही दिनअघि मात्रै नौ जनामा कोरोना संक्रमण भएपछि संक्रमितको सङ्ख्या ५६ पुगेको छ । अहिलेसम्म रुपन्देहीमा कोरोना संक्रमितको सङ्ख्या एक हजार नाघेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपरम्परागत होली पछ्याउँदै राना थारू समुदाय
चैत १५, २०८० बिहिबार
बागेश्वरी मन्दिरमा तामाको छाना
चैत १४, २०८० बुधबार
रानाथारू समुदायमा होलीको उल्लास
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार
उप निर्वाचनलक्षित एजेन्डा पासगर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
धार्मिक पर्यटकीय स्थल बिम गाउँ
चैत १६, २०८० शुक्रबार