सप्तरीमा एकै परिवारका सातसहित १० जनामा कोरोना

◊ धीरुभाइ

१७ भदौ सप्तरी । जिल्लाको कञ्चनरुप नगरपालिकामा बुधबार एकै परिवारका सात जनासहित गरी १० जनामा कोरोना संक्रमण भेटिएको छ । थप भएको संक्रमित मध्ये दुई जना महिला छन ।

कञ्चनरुप नगरपालिका वार्ड नम्बर ६ मा सात, वार्ड नम्बर २ का तीन जना गरी १० जनामा संक्रमण भेटिएको स्वास्थ्य कार्यालय सप्तरीका वरिष्ठ मलेरिया इन्सपेक्टर नारायणप्रसाद राउत बरैले जानकारी दिए ।

वार्ड नम्बर ६ का ६२, ३६, १३, १२, १०, वर्षीय पुरुष र ६२, ३० वर्षीया महिलामा कोरोना संक्रमण भेटिएको उनले उनीहरु सबै जना एकै परिवारको भएको बताए । त्यस्तै वार्ड नम्बर का २५, २१ वर्षीय पुरुष पनि एकै परिवारका रहेका छन ।

वार्ड नम्बर २ कै ३६ वर्षीय पुरुष उनीहरुकै छिमेकीको कोरोना रिपोर्ट पोजेटिभ आएको बताइएको छ । गजेन्द्र नारायण सिंह अस्पताल राजविराजले कञ्चनरुपको ६६ जनाको सार्वजनिक गरेको रिपोर्टमा ५६ जनाको नेगेटिभ रहेको छ । तीमध्ये १० जनाको रिपोर्ट पोजेटिभ आएको हो ।

कञ्चनरुप नगरपालिकाका स्वास्थ्य सह संयोजक डम्बर गुप्ताले स्वास्थ्य कर्मी तथा सुरक्षाकर्मीको निगरानीमा नम्बर ६ का ७ जनालाई होम आइसोलेसनमा राख्ने, दुई जनालाई वार्ड नम्बर ११ स्थित दुर्गा आधाभुत विद्यालयको आइसोलेसनमा राखिने तयारी भइरहेका बताए । अर्को एक जनालाई राजविराज आइसोलेसनमा पठाइएको बताए ।

नगरपालिकाको वार्ड ६ को स्वास्थ्य संस्था नजिक रहेको दास टोलमा ठूलो संख्यामा संक्रमित देखिएपछि टोल सिल गर्ने निर्णय भएको नगर प्रमुख बसन्तकुमार मिश्रले जानकारी दिए । अहिलेसम्म कञ्चनरुपमा २३ जनामा नौ जना उपचारपछि घर फर्किएका छन् । मंगलबार इलाका प्रहरी कार्यालय कञ्चनपुरमा एक जना प्रहरीमा कोरोना संक्रमणको पुष्टि भएको थियो ।

यता जिल्लामा यससँगै संक्रमितको संख्या १२७ महिला र ६९१ गरी १ पुगेको छ । तीमध्य ७७ महिला र ५२८ पुरुष गरी ६०५ जना निको भएको स्वास्थ्य कार्यालयका निमित प्रमुख दुनियालाल यादवले जानकारी दिए । हाल आइसोलेसनमा २०७ जना उपचाररत रहेको छन भने छ जना संक्रमतिको मृत्यु भइसकेको छ ।