१२ अर्ब ४७ करोड रुपैयाँको हकप्रद निष्काशन अनुमतिका लागि ५ कम्पनीको हारगुहार
नेपालबहस संवाददाता
भदौ १७, २०७७ बुधबार २१:२७:४६
१७ भदौ, काठमाडौं । १२ अर्ब ४७ करोड रुपैयाँ भन्दा धेरैको हकप्रद शेयर जारी गर्न विभिन्न ५ कम्पनीले नेपाल धितोपत्र बोर्डमा निवेदन दिएका छन् । झण्डै साँढे ३ वर्षदेखि श्रीराम सुगर मिल, दुई वर्ष भन्दा लामो समयदेखि बरुण हाइड्रो तथा एक डेढ वर्षदेखि जलविद्युत र एउटा फाइनान्स कम्पनी धितोपत्र बोर्डको स्वीकृतिका लागि पर्खाइमा छन् ।
आवश्यक कानुनी र कागजी प्रक्रिया नपुगेपछि धितोपत्र बोर्डले अन्तिम स्वीकृति दिन मिल्ने अवस्था रहँदैन । तर हकप्रद निष्काशनको अनुमतिका लागि ५ कम्पनीले बोर्डमा हारगुहार गरिरहेका छन् । ती पाँच कम्पनीले कुल १२ करोड ४७ लाख ५९ हजार छ सय २० कित्ता शेयरका लागि निवेदन दिएर कागजी प्रक्रिया पुरा गर्ने क्रममा नै रहेकाे बताएका छन् ।
श्रीराम सुगर मिलले २०७४ वैशाख २८ गते हकप्रद निष्काशनको स्वीकृतिका लागि बोर्डमा निवेदन दिएको थियो । विद्यमान शेयरको तीन सय प्रतिशत हकप्रद निष्काशनको माग गर्दै मिलले बोर्डमा निवेदन दिएको हाे । बिक्री प्रबन्धक सिद्धार्थ क्यापिटल रहेको मिलले कुल ८९ लाख ३ हजार नौ सय ४९ कित्ता हकप्रद शेयर जारी गर्नको लागि कागजी प्रक्रिया पुर्याउन कोशिश गरिरहेको छ । मिलले कनुनी प्रक्रिया पुरा गरेपछि र बोर्डले स्वीकृति दिएपछि मात्रै सो हकप्रद जारी गर्न बाटो खुल्ने छ ।
जलविद्युत कम्पनी ङादी ग्रुप पावर लिमिटेडले पनि २०७४ पुस २३ गते विद्यमान शेयरको ३० प्रतिशत हकप्रद निष्काशनको लागि स्वीकृति माग गर्दै बोर्डमा निवेदन दिएको छ । सिद्धार्थ क्यापिटल बिक्री प्रबन्धक रहेको ग्रुपको १६ लाख ६ हजार ६ सय ६४ कित्ता हकप्रद शेयर जारी गर्ने तयारी छ । तर बोर्डले विद्युत नियमन आयोगबाट गर्नुपर्ने लगायत थप कागजी प्रक्रिया पुरा नभएको कारण आवश्यक कागजी प्रक्रिया पुरा गरेपछि मात्रै हकप्रदको स्वीकृति दिने बताएको छ ।
ग वर्गकाे कम्पनी नेपाल फाइनान्स लिमिटेडले २०७६ फागुन २९ गते १ः१.२५ प्रतिशत हकप्रद शेयर निष्काशनको लागि बोर्डमा निवेदन दिएको थियो । कुल १६ लाख ९७ हजार ५ सय ६ कित्ता शेयर निष्काशनको लागि प्रभू क्यापिटललाई बिक्री प्रबन्धक तोकेको छ । फाइनान्सले पनि आवश्यक कागजी प्रक्रिया पुरा गर्ने क्रममा रहेकाले स्वीकृतिका लागि ढिलाई भइरहेको बोर्ड स्रोतले जानकारी दिएको छ ।
त्यस्तै जल विद्युत लगानी तथा विकास कम्पनी लिमिटेडले पनि शतप्रतिशत हकप्रद निष्काशनको माग गर्दै २०७६ असार ३१ गने बोर्डमा निवेदन पेश गरेको छ । कुल ११ करोड कित्ता हकप्रद शेयर निष्काशनका लागि कम्पनीले ग्लोबल आइएमई क्यापिटललाई बिक्री प्रबन्धक तोकेको छ ।
बरुण हाइड्रोपावर कम्पनी लिमिटेडले पनि शतप्रतिशत हकप्रद शेयर निष्काशनका लागि धितोपत्र बोर्डमा निवेदन दिएको छ । २०७५ जेठ २२ गतेदेखि बोडको स्वीकृतिका लागि पर्खाइमा बसेको बरुणले कागजी प्रकृया पुर्याउन नसक्दा अझैसम्म पनि हकप्रद निष्काशनको स्वीकृति पाएको छैन । बोर्डको स्वीकृति पछि बरुणले बिक्री प्रबन्धक एनआईबीएल एस क्यापिटलमार्फत कुल २५ लाख ५१ हजार पाँच सय कित्ता शेयर निष्काशन गर्ने तयारी गरिरहेको छ ।
उत्पादन, जलविद्युत र फाइनान्स गरी पाँच कम्पनीको करिब १२ अर्ब, ४७ करोड, ५९ लाख, ६२ हजार ४६ रुपैयाँको शेयर निष्काशनको लागि बोर्डको पाईपलाईनमा नै रहेका छन् । बोर्डबाट स्वीकृति पाएका केही कम्पनीले पनि निकट भविष्यमा नै शेयर निष्कशन गर्ने तयारी गरेका छन् । जसका कारण शेयरमा लगानी गर्नेका लागि पुन एक पटक ठुलो मात्रामा लगानी जुटाउनु पर्ने बाध्यता आइलागेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेको ओरालो यात्रा जारी, कारोबारका आधारमा गुर्खाज फाइनान्स शीर्ष स्थानमा
बैशाख ६, २०८१ बिहिबार
शेयरबजार दुई दशमलव २६ अङ्कले ओरालो
बैशाख ४, २०८१ मंगलबार
प्रि-ओपन सेसनमा नेप्से सूचक घट्यो
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
प्रतिपक्षी दल नआएपछि गण्डकीको विशेष अधिवेशन अर्को सूचना नभएसम्म स्थगित
बैशाख ७, २०८१ शुक्रबार
‘कलेजो स्वास्थ्य राख्न खानपिन र रहनसहनमा ध्यान दिन जरुरी’
बैशाख ७, २०८१ शुक्रबार
पूर्वाधार अभावमा पनि खेलकुदमा सुदूरपश्चिम अब्बल
बैशाख ७, २०८१ शुक्रबार
महालक्ष्मी विकास बैंकद्वारा महिला उद्यमी लक्षित सशक्तीकरण अभियान
बैशाख ७, २०८१ शुक्रबार
बैंकहरुको मुनाफा घट्यो, ९ महीनामा ४०.६८ अर्ब आम्दानी
बैशाख ७, २०८१ शुक्रबार