काठमाडौंको निषेधाज्ञा एक हप्ता लम्बियो

१७ भदौ, काठमाडौं । कोरोना भाइरसको महामारी बढेपछि काठमाडौं उपत्यकामा जारी निषेधाज्ञा लम्बिएको छ । उपत्यकाका तीन प्रमुख जिल्ला अधिकारीहरुले निषेधाज्ञा एक हप्ता थप गर्ने निर्णय गरेका हुन् । आज राती १२ बजेसम्म जारी रहेको निषेधाज्ञा भदौ २४ सम्म कायम रहनेछ ।

एक हप्ता थप गरिएको निषेधाज्ञामा अत्यावश्यक बाहेक केही थप सेवालाई पनि सञ्चालन गर्न दिने प्रमुख जिल्ला अधिकारीको योजना छ । केही नियमित सेवा खुल्ने भएका छन् । सरकारी कार्यालय पनि खुल्ने भएकाले बिहान ९ बजेदेखि १० बजेसम्म र दिउँसो ३ देखि ५ बजेसम्म कडाई गर्ने निर्णय छ ।

होटल, रेष्टुरेन्ट, फुटपाथ पसल अझै बन्द हुनेछन् । बैंक लगायतका निकायले न्यूनतम कर्मचारी राखेर स्वास्थ्य सुरक्षाको मापदण्ड पालना गरी सेवा दिन सक्नेछन् । यस्तै दुध, पानी, मेडिकल पसल भने खुल्नेछन् ।