ट्राफिक प्रहरीका जवानकाे कोरोना परीक्षण गर्न पैसा लाग्याे, आइसोलेशनमा बेवास्ता !
नेपालबहस संवाददाता
भदौ १८, २०७७ बिहिबार १६:०:४३
१७ भदौ, काठमाडौं । दिनभर सडकमा खट्ने ट्राफिक प्रहरी । भोक, निन्द्रा, गाह्रो, साह्रो कुनै कुराको मतलव नगरी ड्युटीमा खट्ने दायित्व । कोरोना महामारीले सबै घरभित्र लुकेका बेला जनतालाई संक्रमणबाट जोगाउन सडकमा एक्लै उभिने प्रहरी ।
अरु सुरक्षित हुन घर नछाडेका बेला सबैलाई घरमै राख्न लागिपरेका प्रहरी अहिले संक्रमित छन् । तर देश र जनताका लागि सेवामा जुटेका तिनै प्रहरी भने संक्रमित हुँदा राज्यबाटै बेवास्तामा परेका छन् । भक्तपुरको दुवाकोटमा रहेको केएमसी अस्पतालमा एकजना ट्राफिक प्रहरीले यस्तै हविगत भोगिरहेका छन् ।
राज्यले उनीमाथि कतिसम्म बेवास्ता गरेको छ भने कोरोनाको पीसीआर परीक्षण गर्दा आफैले पैसा तिर्नुपर्ने अवस्था सिर्जना गरेको छ । सिपाहीले जम्मा २० हजार तलब पनि मुश्किलले हात पार्दा उनीहरुले जोखिमका बेला काम गरेको राहत, प्रोत्साहन र आत्मबल पाउन सकेका छैनन् ।
त्यसमाथि संक्रमित हुँदा आफ्नै पैसामा पीसीआर परीक्षण गर्नुपर्ने बाध्यता उनलाई आइपरेकाे छ । सरकारले हालै मात्रै प्रतिव्यक्ति पीसीआर परीक्षणको शुल्क ४ हजार ५ सय रुपैयाँ तोकेको छ । केएमसी अस्पतालमा आइसोलेसनमा बसेका ती ट्राफिक जवानले ४ हजार ५ सय रुपैयाँ खर्च गरेर पीसीआर परीक्षण गरेका छन् ।
जबकी राज्यले कोरोना महामारीका बेला फ्रण्टलाईनमा खटेका स्वास्थ्यकर्मी, सुरक्षाकर्मीको निःशुल्क परीक्षणको व्यवस्था गरेको छ । तर जोखिममा संक्रमित हुन पुगेका सामान्य जवानका लागि भने यो सेवा सहज रुपमा दिन सकेको छैन् ।
अस्पतालमा चिन्ता, संगठनबाट बेवास्ता !
ड्युटीका क्रममा संक्रमित हुन पुगेका ती ट्राफिक जवान केही दिनदेखि केएमसी अस्पतालको आइसोलेसनमा छन् । सुविधासम्पन्न भनिएको अस्पतालको आइसोलेसनमा प्रहरीले पाउनुपर्ने न्युनतम सेवा सुविधा पनि पाउन मुश्किल छ ।
यस्तो बेला आफैले पैसा हालेर पीसीआर परीक्षण गराउनुपर्ने बाध्यता छ । यस्तो बाध्यतामा पनि उनी संगठनबाट पाउनुपर्ने न्युनतम हेरचाह र हौसला पाउनबाट बञ्चित छन् । सम्बन्धित प्रहरी संगठनले आइसोलेसनमा रहेका उनको न अवस्थाबारे सोधपुछ गरिएको छ । न त राज्यले भनेजस्तो निःशुल्क पीसीआर परीक्षण नै ।
यसले महामारीका बेला फ्रण्टलाइनमा खटिएका प्रहरीको मनोबल गिरेको एक उच्च अधिकारीले बताए । सुरक्षा निकायकै अर्को संगठन सशस्त्रले भने एउटै अस्पतालमा रहेका आफ्ना जवानको बिहान बेलूकी डाक्टर पठाएर हेरचाह गर्ने भएपनि नेपाल प्रहरीले भने आफ्ना जवानको स्वास्थ्य, सुरक्षा, हेरचाह नगरेको ती अधिकारीको भनाई छ ।
खासगरी यस किसिमबाट बेवास्तामा पर्ने जवानहरु निकै नै पीडित बनेको पनि उनको भनाई छ । एकजना ट्राफिक प्रहरीको केएमसी अस्पतालमा पीसीआर परीक्षण गर्दा उनीसँग अस्पतालले ४ हजार ४ सय रुपैयाँ लिएको पनि उनले बताए ।
यसले ट्राफिक प्रहरीमा संक्रमित जवानलाई निराशा थपिएको पनि उनको भनाई छ । खासै धेरै पारिश्रमिक नभएका बेलामा पीसीआर परीक्षण गर्न प्रहरीसँग पैसा माग्नुले झन समस्या निम्तिएकाे संक्रमित प्रहरीहरुको भनाई छ ।
प्रहरीभित्रै असन्तुष्टि
नेपाल प्रहरीका पूर्व एआईजी कल्याण तिम्सिनाले सामाजिक सञ्जाल फेसबुकमा यसबारेमा ध्यानाकर्षण गराएका छन् । यस्तो महामारीको बेला फ्रण्टलाईनमा खटेर जनतालाई सुरक्षा दिइरहेका प्रहरीले राज्यबाट उचित प्रोत्साहन र सेवा सुविधा नपाएको उनले गुनासो गरेका छन् ।
कोरोना संक्रमित भई दुवाकोटमा रहेको केएमसी अस्पतालमा आइसोलेसनमा बसेका प्रहरीसँग पीसीआर टेस्टका लागि पैसा मागिएको छ, उनले सामाजिक सञ्जाल फेसबुकमा लेखेका छन्, सम्बन्धित निकायको ध्यान जाओस । पैसा उठाउने काम बन्द गरियोस । निःशुल्क परीक्षण हुने व्यवस्था होस ।
कोरोना महामारी उत्कर्षमा पुगेका बेला ज्यान फालेर काम गर्ने प्रहरीलाई त सुविधा छैन भने अरुको के कुरा ? भन्दै उनले नेपाल प्रहरीसँग प्रश्न पनि गरेका छन् । अघिपछि ड्युटीका बेला काममा घोटाउन कुनै कन्जुस्याई नगर्ने तर बिरामी पर्दा उपचार र परीक्षणमै पैसा माग्ने बानीले राज्य नै सुरक्षाकर्मीमाथि गम्भिर नबनेको जस्तो देखिएको उनको भनाई छ ।
ट्राफिक प्रहरी महाशाखा के भन्छ ?
महानगरीय ट्राफिक प्रहरी महाशाखाले भने सरकारले तोकेको ठाउँमा मात्रै पीसीआर परीक्षण गराउनुपर्ने जवाफ दिएको छ । महाशाखाका प्रमुख एसएसपी भीम ढकालले सरकारले तोकेको अस्पतालभन्दा अरु ठाउँमा पीसीआर परीक्षण गर्नु प्रहरीकै कमजोरी रहेको बताए ।
सरकारले प्रहरीको कोरोना परीक्षणका लागि प्रहरी अस्पताल र टेकु अस्पताल तोकेको छ । यी दुई अस्पतालमा परीक्षण गर्दा पैसा लाग्दैन् ।
तर केएमसी अस्पतालमै परीक्षण गराएकाले शुल्क लागेको हुनसक्ने उनको भनाई छ । यो उनको व्यक्तिगत कमजोरी रहेको पनि ढकालको दाबी छ । भदौ १२ गतेदेखि पीसीआर पोजेटिभ भएर संक्रमित भएका प्रहरीलाई एक लाखको कोरोना बीमा गरिएको जानकारी दिदै हौसला र प्रोत्साहनका लागि सबै उपाय अपनाइएको जानकारी दिए ।
कोरोनाको बेला जोखिम मोलेर काम गरेकामध्ये ८० जना ट्राफिक प्रहरी संक्रमित छन । तीमध्ये २० जना उपचारपछि निको भएर ड्युटीमा फर्किसकेकाे पनि महाशाखा प्रमुख ढकालले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार
प्रेम सम्बन्धको विवादमा झडप, ७ सेल अश्रुग्यास प्रहार
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
उपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार
मन्त्रिपरिषद्को बैठकले के के निर्णय गर्यो ?
बैशाख १३, २०८१ बिहिबार
सुनिल पौडेललाई थुनामा राख्न विशेष अदालतको आदेश
बैशाख १३, २०८१ बिहिबार