ढोरपाटन बाढी पहिरोमा मृत्यु हुनेको संख्या ८ पुग्यो

१८ भदौ, काठमाडौं । बागलुङको ढोरपाटनमा गएको पहिरोमा परेर मृत्यु हुनेको संख्या ८ पुगेको छ । ढोरपाटन नगरपालिका वडा नं. ७, ८ र ९ का तटीय वस्तीमा बाढी पस्दा मृत्यु हुनेको संख्या ८ पुगेको हो । हराएका १७ जनामध्ये अहिलेसम्म ८ जनाको शव भेटिएको हो । अझै दर्जन बढी बेपत्ता छन् ।

जिल्ला प्रहरी कार्यालय बागलुङका प्रहरी नायब उपरीक्षक तथा सूचना अधिकारी राजेन्द्र रेग्मीका अनुसार बेपत्ताको खोजी कार्य भइरहेकाले मृत्यु हुनेको संख्या बढ्ने अनुमान छ । बेपत्ता भएकालाई जिवितै भेटाउने र उद्धार गर्ने सम्भावना कम रहेकाले मृत्तकको संख्या बढ्ने अनुमान गरिएको हो ।

अविरल वर्षासँगै गएराति १२ बजेको तिर आएको बाढी वस्तीमा पसेको थियो । सुकुर्दुङस्थित भुजी खोलाको बाढीले १३ घर बगाएको छ ।