बिडारीलाई राजीनामा गराएर बामदेवलाई राष्ट्रियसभामा लग्ने ओलीको तयारी
नेपालबहस संवाददाता
भदौ १८, २०७७ बिहिबार १८:३९:४७
१८ भदौ, काठमाडौं । राष्ट्रियसभाको रिक्त सदस्यमा कसलाई पठाउने भन्ने मुद्धा नै आज बस्ने सचिवालय बैठकको मूलविषय हुने भएपछि नेकपा अध्यक्षसमेत रहेका प्रधानमन्त्री केपी ओलीले ११ बजेका लागि तय भएको बैठक अपरान्ह ३ बजेसम्म स्थगित गराएका छन् ।
पार्टी भित्रको अन्तरर्विरोध चर्कँदै जाँदा मत्थर गर्न बनाइएको ६ सदस्यीय कार्यदलले दिएको प्रतिवेदनबारे छलफल गर्न बोलाइएको सचिवालय बैठकको अजेण्डा नै ओझेलमा परेको छ । अब पार्टी उपाध्यक्ष बामदेव गौतम की अर्थमन्त्री डा. युवराज खतिवडालाई सांसद बनाउने विषय नै पहिलो अजेण्डा बन्यो । उपाध्यक्ष गौतमले राष्ट्रियसभामा जाने भनेपछि खाटा बसिसकेको घाउ फेरि चर्किएको छ । गौतमलाई उपयुक्त समयमा प्रतिनिधिसभामा लगेर प्रधानमन्त्री बनाउने प्रस्ताव पास भइसकेकाले राष्ट्रियसभाको च्याप्टर क्लोज भएको बुझाई ओलीको थियो ।
तर पछिल्लो समय गौतमले पूर्वनिर्णय नै कार्यान्वयन होस् भनी ओलीसँग आग्रह गरेपछि षडयन्त्र त सुरु भएको हैन भन्ने संशय ओलीमा पलाएको छ । सकेसम्म डा. खतिवडालाई नै निरन्तरता दिन चाहेका ओलीले परिस्थिति प्रतिकुल भए गौतमलाई नै सिफारिश गर्ने मनस्थिति बनाएको स्रोतको दावी छ । हिजो साँझ ओलीले अर्का अध्यक्ष पुष्पकमल दाहाल प्रचण्ड र उपाध्यक्ष गौतमसँग बेग्लाबेग्लै छलफल गरे । तर प्रचण्ड र गौतम दुवै जना पूर्व निर्णय कार्यान्वयन हुनुपर्ने अडानमा रहेका थिए ।
त्यसपछि प्रधानमन्त्री ओलीले निकटहरुसँग बालुवाटारमा राति अबेरसम्म छलफल गरे । छलफलमा अर्थमन्त्री डा.खतिवडालाई च्याप्दा प्रधानमन्त्रीलाई राजनीतिक रुपमा धेरै क्षति पुग्ने तर्क धेरैले गरेको स्रोतको दावी छ । तर ओलीले भने सकेसम्म प्रचण्ड र गौतमलाई सहमत गराउने नभए मात्र दोस्रो विकल्पमा सोच्ने मनस्थिति बनाएका थिए । उता, ओलीसँग भेटेर खुमलटार पुगेका प्रचण्डले पार्टी नेता माधवकुमार नेपालसँग छलफल गरेका थिए । दुवैबीच आज बस्ने सचिवालय बैठकमा गौतमलाई नै राष्ट्रियसभामा पठाइनुपर्ने अडानमा यथावत् रहने सहमति जुटेको थियो ।
त्यसपछि आज बिहान ओलीले निकटवर्ती नेताहरुसँग थप छलफल गरेका छन् । एकपटक अन्तिम प्रयास गर्ने, त्यति गर्दापनि सहमति नजुटे विकल्पमा सोचिने जानकारी गराएका थिए । ओलीले प्रचण्डसँग थप प्रस्ताव गर्ने भएका छन् । जसमा सरकारबाट मनोनित कोटामा परेका रामनारायण बिडारीलाई राजीनामा गराएर गौतमलाई सिफारिशको प्रस्ताव गर्ने भएका छन् । तर प्रचण्डले उक्त प्रस्ताव स्वीकार्ने सम्भावना न्यून रहेको छ ।
प्रचण्ड र नेता नेपाल पक्षले गौतमलाई सांसद बनाएर उपप्रधानमन्त्रीसहित अर्थमन्त्री बनाउने तयारी गरेका छन् । त्यसैले डा. खतिवडालाई निरन्तरता दिने कुनै पनि प्रस्तावलाई स्वीकार्ने अवस्थामा प्रचण्ड छैनन् । ओली पनि अब गौतमलाई धेरै चिढ्याउने पक्षमा छैनन् । गएको स्थायी कमिटी बैठकमा गौतमले लगाएको गुण उनले विर्सेका छैनन् । बैठकमा गौतमले ओलीलाई बल पुग्ने गरी ६ बुँदे प्रस्ताव प्रस्तुत गरेका थिए । त्यसैले प्रधानमन्त्री अब गौतमलाई चिढ्याउने र बिच्क्याउने पक्षमा छैनन्– बालुवाटार निकट स्रोतले भन्यो । तर प्रचण्ड र नेपालको इच्छा मुताबिक अर्थमन्त्री बनाउने पक्षमा भने उनी छैनन् ।
गौतमलाई सांसद बनाइएको अवस्थामा मन्त्री नदिने दाउ ओलीको छ । तर गौतमपत्नी तुलसा थापालाई भने मन्त्रिमण्डलमा ल्याउने उनको तयारी रहेको छ । यसबारे गृहकार्य गर्न ओली निकट नेताहरुसँग अहिले परामर्श गरिरहेका छन् ।बामदेवलाई अर्थमन्त्री बनाउने प्रस्ताव आयो भने त्यसलाई निरस्त गर्न ओलीले विष्णु पौडेललाई प्रस्ताव गर्न सक्ने पनि स्रोतको भनाई छ । पौडेल र गौतमबीच घनिष्ट सम्बन्ध रहेको छ ।
सचिवालय बैठकको पहिलो अजेण्डा नै यो भएकाले अरु विषयमा छलफल गर्ने अवस्थै रहेन भन्दै ओली निकट स्रोत भन्छ– कार्यदलले दिएको प्रतिवेदन उपर भोलि पर्सी छलफल हुनसक्छ । आज चाहिं यही विषयको छिनोफानो गर्नुपर्ने अवस्था छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकांग्रेसद्वारा आदिवासी जनजाति र सहकारी विभागमा सदस्य मनोनीत
चैत १६, २०८० शुक्रबार
कांग्रेसको सहकारी विभागमा १० जना मनोनयन
चैत १६, २०८० शुक्रबार
सरकार महिला सशक्तीकरणको पक्षमा छः प्रधानमन्त्री
चैत १६, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
कांग्रेसद्वारा आदिवासी जनजाति र सहकारी विभागमा सदस्य मनोनीत
चैत १६, २०८० शुक्रबार
दक्षिण अफ्रिकाका पूर्व राष्ट्रपति जुमालाई चुनाव लड्न प्रतिबन्ध
चैत १६, २०८० शुक्रबार
बोआओ फोरममा चीनको प्रतिबद्धता, खुलापन र साझेदारी
चैत १६, २०८० शुक्रबार
स्थानीय नृत्य प्रस्तुत गर्दै नेपाली सेना
चैत १६, २०८० शुक्रबार
एआईमा जागिर गर्नेहरूले कति तलब पाउँछन् ?
चैत १६, २०८० शुक्रबार
कांग्रेसको सहकारी विभागमा १० जना मनोनयन
चैत १६, २०८० शुक्रबार