बामदेवमाथि फेरि पनि धोका हुने संकेत, मन्त्रिपरिषदमा कुरै भएन

२० भदौ, काठमाडौं । नेकपा उपाध्यक्ष वामदेव गौतममाथि फेरि पनि धोका हुने संकेत देखिएको छ । शुक्रबारको मन्त्रिपरिषद बैठकमा उनको बारे छलफल नै नभएपछि मन्त्रिपरिषदबाट औपचारिक रुपमा उनको नाम राष्ट्रपतिलाई सिफारिस भयो कि भएन ? भन्ने अन्यौल छ ।

बिहीबार बसेको नेकपा सचिवालय बैठकले बामदेवलाई राष्ट्रिय सभा सदस्यका लागि सिफारिस गरेको थियो। सोही निर्णयअनुसार शुक्रबारको मन्त्रिपरिषद बैठकले गौतमको नाम राष्ट्रपतिसमक्ष सिफारिस गर्ने अनुमान थियो । तर, मन्त्रिपरिषद बैठकमा बामदेव बारे एक शब्द पनि कुरा भएन् । अर्थात प्रधानमन्त्री ओलीले सचिवालयको निर्णयअनुसार मन्त्रिपरिषद बैठकमा प्रस्ताव नै प्रस्तुत गरेनन् ।

मन्त्रिपरिषदले सिफारिस गरेर राष्ट्रपति कार्यालयमा नियुक्तिका लागि पठाउनुपर्छ। शुक्रबार साँझसम्म राष्ट्रपति कार्यालयले पनि बामदेवको नाम पाएको छैन् । आफ्नो पदावधि सकिन एक दिनअघि नै अर्थमन्त्री युवराज खतिवडाले पदबाट राजीनामा दिइसकको छन् । यसले पनि अब बामदेव ढुक्कसँग बसेका छन् ।

तर ओलीले उनीमाथि कुन निहुँमा धोका थोपर्ने हुन बेर छैन् । यसअघि सचिवालय बैठकले बामदेवलाई राष्ट्रियसभामा लैजाने निर्णय गरेपनि त्यो ओलीले कार्यान्वयन गरेका थिएनन् ।