पेस्तोलसहित ३ जना पक्राउ

२० भदौ, जनकपुरधाम । सिरहामा पेस्तोलसहित ३ जना पक्राउ परेका छन् । मिर्चैया नगरपालिका वडा नम्बर ५ बाह्रबिघामा जाँच गर्ने क्रममा मोटरसाइकलमा सवार युवकलाई हतियारसहित शुक्रबार राति पक्राउ गरिएको हो ।

को ३५ प ४०१३ नम्बरको मोटरसाइकलमा सवार मिर्चैया नगरपालिका ६ बस्ने १९ वर्षीय अजय शर्मा र मिर्चैया ५ बस्ने १९ वर्षकै ज्ञानु कुमार मण्डलको साथबाट एक थान नलकटुवा पेस्तोल बरामद भएको छ ।

पक्राउ परेकासँग सोधपुछ गर्दा मिर्चैया ५ का किराना व्यवसायी ३९ वर्षीय रमेश साहलाई पनि पक्राउ गरिएको सिरहा प्रहरीका प्रवक्ता बिनोद घिमिरेले जानकारी दिए ।