गाउँपालिकाको पहलमा हेलिकप्टरमार्फत शिशुको उद्धार

२१ भदौ, सिन्धुपाल्चोक । हेलम्बु गाउँपालिकाको पहलमा आज जन्मिएकी एक शिशुको श्वासप्रश्वासमा समस्या आएपछि हेलिकप्टरमार्फत उद्धार गरी काठमाडौं पठाइएको छ । वडा नं ७ मा रहेको इचोक बर्थिङ सेन्टरमा सुत्केरी भएकी महिलाको शिशुको फोक्सोले काम नगरेपछि थप उपचारका लागि कैलाश एयरको हेलिकप्टरमार्फत कान्ति बाल अस्पताल काठमाडौं पठाइएको हो ।

गाउँपालिकाले आफ्नै खर्चमा हेलिकप्टरमार्फत वडा नम्बर १ की फुर्वा डोल्मा तामाङले जन्माएको शिशुले श्वास फेर्न नसकेपछि ज्यान बचाउन तत्काल हेलिकप्टरको व्यवस्था मिलाई थप उपचारका लागि काठमाडौं पठाइएको गाउँंपालिकाका अध्यक्ष निमाग्याल्जेन शेर्पाले जानकारी दिए ।