अर्थमन्त्री डा. खतिवडाले राजीनामा दिएपश्चात पनि किन घटिरहेको छ बजार ?
आर्थिक संवाददाता
भदौ २२, २०७७ सोमबार २३:९:४८
२२ भदाै, काठमाडाैं । अर्थमन्त्री डा. युवराज खतिवडाले राजीनामा दिएपश्चात पनि नेप्से परिसूचकमा लगातार दुई कारोवार दिन घटेको छ । माथिल्लो सर्किट लाग्छ भन्दै लगानीकर्ताहरु बसेको बेलामा बजार भने फरक दिशातर्फ उन्मुख भएको छ ।
आज १९२ कम्पनीको शेयर कारोवार हुँदा २ अर्ब १६ करोडको शेयर कारोवार भएको छ । नेप्से परिसूचक १२ दशमलव १७ अंकले घट्दै १४८७ दशमलव ८१ को विन्दुमा बन्द भएको छ ।
डा. युवराज खतिवडाले राजीनामा दिनु पुर्व नै अर्थमन्त्री गएपश्चात बजार छोटो समयको लागि निकै राम्रो बढ्ने सपना देखेर केही समुहले शेयरमा आक्रामक लगानी गरेका थिए । सो अनुरुप आईतबार बजारले साथ नदिँदा पहिलाको वृद्धि भएको बजार अहिले करेक्सन भएको जानकार बताउँछन ।
त्यस्तै दोश्रो ठूलो बजार पुँजीकरण भएको नेपाल पुनर्बीमा कम्पनीकाे शेयर केही समयदेखि आक्रामक वृद्धि हुँदै थियो । नेपाल पुनर्बीमा कम्पनीको मूल्यमा गिरावटसँगै त्यसको नकारात्मक असर पनि नेप्से परिसूचकमा परेको देखिन्छ ।
आज बजार १५०३ दशमलव ३८ को विन्दुमा खुलेकोमा बजारको उच्च विन्दु त्यही रहेको थियो । बजार को न्यून विन्दु ११ बजेर ३५ मिनेटमा १४८३ दशमलव ६२ रहेको थियो ।
आज पनि नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमा कम्पनीको २८ करोड ४० लाख बराबरको शेयर खरिदबिक्री भएको छ ।
आज सर्वाधिक कमाउने ५ कम्पनीमा उन्नती सहकार्य लघुवित्त, युनिभर्सल पावर, जोशी हाईड्रोपावर, नागरिक लगानी कोष र आशा लघुवित्त रहेका छन् ।
सर्वाधिक गुमाउनेमा एन.आर. एन., घलेम्दी हाइड्रोपावर, हिमालयन पावर पार्टनर, अरुण काबेली र एनआईबील प्रगति फण्ड रहेका छन् ।
✍ प्राविधिक बिश्लेषण :
प्रतिरोध २ः १५५० । प्रतिरोध १ः १५०० । टेवा १ः १४७५ । टेवा २ः १४३०
✍आज पनि शेयर बजार खुलेदेखि घट्दो प्रवृत्तिमा रहेको देखिन्छ। आजको बजारले बियरिस मैनबत्तीको चित्र बनाएको छ । यसले आज बजारमा विक्रेताको चाप रहेको जानकारी गराए पनि अघिल्लो दिनभन्दा कम चाप रहेको देखिन्छ । त्यस्तै, आजको परिमाणले बजारमा विक्रेताको चाप केही कम रहेको जानकारी दिएको छ।
✍दैनिकी अवधिमा “आरएसआई” ६२ दशमलब १९ को बिन्दुमा छ। यसको प्रवृत्तिले आज बजारमा बिक्रेताको चाप रहेको संकेत गरेको छ।
✍ “एडीएक्स” ले हालसम्म बजारमा क्रेताको चाप रहेको संकेत गरे पनि जोड / बिजोड “डाइरेक्सनल इन्डेक्स”हरुले आज विक्रेताको चाप केही कम रहेको जानकारी गराएको छ।
✍ “अन ब्यालेन्स भल्यूम” ले बजार केहि सच्चिन सक्ने जनाकारी गराएको छ।
✍ बजार बढेमा पहिलो प्रतिरोध १५०० को क्षेत्रमा पाउने देखिन्छ भने घटेमा पहिलो तत्कालिन टेवा १४७५ को क्षेत्रमा रहेको देखिन्छ।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
आज नेप्सेमा दोहोरो अङ्कको गिरावट
चैत १४, २०८० बुधबार
प्रि-ओपन सेसनमा नेप्से सामान्य बढ्यो
चैत १४, २०८० बुधबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार