रिलायन्स लाइफको शेयर नेप्सेमा सूचीकृत, अधिकतम ३२२ रुपैयाँ ओपनिङ रेन्ज

२२ भदौ, काठमाडौं । रिलायन्स लाइफ इन्स्योरेन्सको लिमिटेडको २ करोड १० लाख कित्ता शेयर सूचीकृत भएको छ । कम्पनीको ६३ लाख कित्ता साधारण शेयर सहित कूल २ करोड १० लाख कित्ता शेयर दोस्रो बजारमा कारोबारका लागि नेपाल स्टक एक्सचेन्ज (नेप्से)मासूचीकृत भएको हो ।

कम्पनीमा ७० प्रतिशत संस्थापक र ३० प्रतिशत साधारण शेयर अनुपात रहेको छ । आज नेप्सेमा शेयर सूचीकरण भएसँगै मंगलबारबाट धितोपत्रको दोस्रो बजारमा कारोबार खुल्नेछ ।

नेप्सेले कम्पनीको पहिलो कारोबारको लागि नेप्सेले न्यूनतम प्रतिकित्ता १०७.५९ रुपैयाँदेखि अधिकतम ३२२.७७ रुपैयाँसम्म ओपनिङ्ग रेञ्ज दिएको छ । नेप्सेले हरेक कम्पनीलाई पहिलो कारोबारका लागि प्रतिशेयर नेटवर्थदेखि त्यसको तीन गुणासम्म अधिकतम कारोबार रेञ्ज प्रदान गर्ने गर्छ ।