अब सबैको रिचार्ज र ब्यालेन्स बुझ्न एउटै नम्बर
नेपालबहस संवाददाता
भदौ २३, २०७७ मंगलबार १३:३८:२५
२३ भदौ, काठमाडौं । सेवा प्रदायक अनुसारका फरकफरक सर्ट कोडबाट हैरान प्रयोगकर्तालाई केही सजिलो हुने भएको छ । अबदेखि तपार्ईं जुनसुकै सेवा प्रदायकको मोबाइल सेवा प्रयोग गरे पनि एउटै कोड प्रयोग गर्न सक्नुहुने छ ।
नेपाल दूरसञ्चार प्राधिकरणले हालै जारी गरेको दूरसञ्चार सेवामा प्रयोग हुने सर्ट कोड र टोल फ्रि नम्बर व्यवस्थापनसम्बन्धी कार्यविधि, २०७७ ले यो नयाँ व्यवस्था गरेको हो । जसअनुसार अबदेखि रिचार्जका लागि सबै सेवा प्रदायकका प्रयोगकर्ताले १२२ सर्ट कोड प्रयोग गर्नसक्ने छन् । त्यस्तै ब्यालेन्स पठाउन १३३ र ब्यालेन्स बुझ्न १४४ कोड प्रयोग गर्नसक्ने छन् । प्राधिकरणका अनुसार अबको छ महिनाभित्र सबै सेवा प्रदायकले यो नयाँ व्यवस्था पूर्ण रूपमा लागू गर्नुपर्ने छ ।
नेपाल टेलिकमका प्रयोगकर्ताले अहिले रिचार्जका लागि ४१२ र ब्यालेन्स बुझ्न ४०० सर्ट कोड प्रयोग गर्दै आएका छन् । त्यस्तै एनसेलका प्रयोगकर्ताले ९०१ र ९०० ब्यालेन्स बुझ्नका लागि प्रयोग गर्दै आएका छन् । त्यस्तै रिचार्जका लागि १०२ सर्ट कोड डायल गर्दै आएका छन् ।
कार्यविधिले सर्ट कोडसँग सम्बन्धित निश्चित व्यवस्था पनि गरेको छ । जसअनुसार तीन अङ्कको सर्ट कोड अत्यावश्यक आकस्मिक सेवाका लागि, चार अङ्कको सर्ट कोड जनतासँग प्रत्यक्ष सरोकार राख्ने नेपाल सरकारका निकायका लागि र पाँच अङ्कको सर्ट कोड सेवा प्रदायकलाई अन्य अतिरिक्त सेवा उपलब्ध गराउन उपलब्ध गराइने छ । १० अङ्कको सर्ट कोड टोल फ्रि सेवाका लागि नै प्रयोग हुनेछ ।
अहिले चार अङ्कको सर्ट कोड निजी क्षेत्रका संस्थाले प्रयोग गरेको भए पनि अबको छ महिनाभित्र उक्त नम्बर प्राधिकरणले फिर्ता गर्ने भएको छ । त्यस्ता संस्थालाई १० अङ्कको टोल फ्रि नम्बर उपलब्ध गराइने भएको छ । सेवा प्रदायकले पाँच अङ्कको नम्बर उपलब्ध गराउँदा त्यसबापत शुल्क लिन नपाउने भएका छन् । उक्त अङ्क प्रयोग गरी सेवा सञ्चालन गर्दा त्यसको महसुल दर प्राधिकरणबाट स्वीकृत भने गराउनुपर्ने छ ।
टोल फ्रि नम्बरमा पनि परिवर्तन गरिएको छ । यसअघि १६६० बाट सुरु हुने यस्ता नम्बर अबदेखि १८०० बाट सुरु हुनेछ । टोल फ्रि नम्बर उपलब्ध गराएबापत पनि सेवा प्रदायकले शुल्क लिन पाउने छैनन् तर त्यस्तो नम्बरबाट उपलब्ध गराइने सेवाको महसुल दर प्राधिकरणकै अनुसार हुनुपर्ने छ । एउटा सेवा प्रदायकले प्रदान गरेको टोल फ्रि नम्बरमा अर्को सेवा प्रदायकले सम्पर्क गरेको अवस्थामा अन्तरआबद्धता शुल्क भने प्रदान गर्नुपर्ने छ । यद्यपि यसको भार प्रयोगकर्तालाई भने पर्ने छैन । गोरखापत्र
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारको बेइमानी : १३ लाख बालबालिकाको भविष्य जोखिममा
कात्तिक ८, २०८० बुधबार
राजधानीको हल्चोक स्थित रातामाटामा चङ्गा उडाउँदै [ फोटोफिचर ]
असोज २३, २०८० मंगलबार
अनधिकृत अनुवाद र पाइरेसीको विकृत धन्दा, एउटाको दुःख, अर्कोलाई मोज
असोज ८, २०८० सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार
आमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार