आजदेखि सबै बैंकका शाखा खुला

२३ भदौ, काठमाडौं । बैंक तथा वित्तीय संस्थाका राजश्व संकलन हुने सबै शाखा आजदेखि खुला भएका छन् । नेपाल राष्ट्र बैंकको बैंक तथा वित्तीय संस्था नियमन विभागले बैंकहरुलाई राजश्व संकलनका लागि ३ दिन सबै शाखा तथा काउन्टरहरु खुला गर्न निर्देशन दिएको थियो ।

सोही अनुसार आजदेखि तीन दिनसम्म सबै शाखा खुला राख्न राष्ट्रं बैंकले निर्देशन दिएको हो । सरकारले भदौ २५ सम्म राजश्व तिरिसक्न करदाताहरुलाई भनेको छ । राजश्व उठाउने म्याद २५ गतेसम्म भएका कारण बैंकका शाखाहरु खुला गर्न निर्देशन दिइएको राष्ट्र बैंकले बताएको छ । कोरोनाको कारण अहिले धेरैजसो बैंकले केही शाखाहरुबाट समय मिलाएर सेवा दिइरहेका छन् ।